Kaagad na dinaluhan ni Amiera ang nakaratay at ang duguan na si Axel. Habang si Kaiden naman ay napatulala na lamang.
“Hindi siya pwedeng mamatay! Hindi malilinis ang pangalan ni Rexter kung mamatay siya ng ganito lamang!” sigaw ni Amiera kay Kaiden. “Tulungan mo ako, dali!”
At doon lamang nagbalik sa sarili si Kaiden. Kaagad siyang lumapit kina Amiera. Pinunit ni Amiera ang tela ng manggas ng suot niyang damit saka niya iyon mahigpit na itinali sa sugat ni Axel upang mapigilan ang labis na pagdurugo nito.
“Dalhin natin siya sa hospital,” saad ni Kaiden kay Amiera.
“Hindi maaari. Hindi natin siya pwedeng dalhin sa hospital. Delikado para sa iyo,” pagtutol naman ni Amiera kay Kaiden.
“Pero… hindi siya pwedeng mamatay hangga’t hindi niya naisusuko ang sarili sa batas.”
“Dalhin natin si
