ALICE
Matapos akong itago ni Eric sa kumot ay nagmamadali na niya akong binuhat palabas ng kuwarto.
"Sir! May droga po rito!"
"Ano 'yan?"
"Insenso na may aphrodisiac at cocain, sir!"
Rinig ko na usapan ng mga pulis bago kami nakalayo ni Eric sa kuwarto. Hindi na rin ako nagulat sa kung ano man na uri ng droga madidiskubre nila doon dahil nga sa ginawa ni Max sa akin.
"Ally, may masakit ba sa'yo? Sabihin mo lang,” naghihingalo na tanong ni Eric sa akin.
Sana okay lang din si Eric, mabigat pa naman ako.
Hindi ko kayang sagutin si Eric dahil nasa kalagitnaan din ako ng paghahabol ng sarili kong hininga. Napakapit lang ako sa dibdib niya para hindi mahulog habang panay pa rin ang pagpipigil ko sa pag-iyak. Nagiging ungol kasi ito dahil sensitibo pa rin ang katawan ko, at ayaw na
