Ilang sandali pa siyang natulala at hindi alam kung ano ang irereply sa binata. Sigurado siyang pakana na naman ni Felicity ang pagbibigay ng kanyang phone number. Humawak siya nang mahigpit sa manibela at saka iyon pinaandar ng mabilis upang maagang makapag handa.
Nang makarating sa condo ni Felicity agad siyang pumasok sa loob. Kanina lang habang nagmamaneho siya nag message ang kanyang kakambal para ibigay ang password ng condo nito. Nasaan na ang normal niyang buhay? Hindi na naman siya makatanggi.
Pagpasok ay naglibot siya upang makita ang kabuuan ng condo, minsan na siya nakapunta dito pero hindi niya nalibot dahil dumating ang kanilang magulang at dumaan siya sa terrace pababa upang hindi makita.
Pumasok siya sa kwarto nito at doon nakita ang isang red dress na hanggang tuhod
