"Ayos ka lang, Andres?" tanong ko sa lalaki na pulang-pula ang mukha at hindi magawang tumingin sa akin. Samantalang si Sugar malawak ang ngisi habang nagkakape. Hinihintay lang namin si Hendrix dahil susunduin daw ako nito. Si Larry naman ay iiling-iling. Tiyak kong may idea na ito kung bakit nagkalabugan sa silid ko kanina.
"O-po, Miss Keia." Tumango-tango ako rito, saka bahagyang ngumisi.
"Tsk, mga baliw." Bubulong-bulong na ani ni Larry. Tinapik ko lang sa balikat si Larry at sinenyasan itong manahinik na lang. Tapos na kaming mag-ayos dito. Si Hendrix na lang talaga ang hinihintay.
20 minutes pa ang tinagal, dumating si Hendrix. 'Yong excitement ko ay agad na nawala nang makita ko kung sino ang kasama nito.
"Hendrix," ngumiti pa rin ako rito at sinalubong ito saka inilapat ang
