"Kumilos ka na po, may lakad ka pa." Pagod na tinignan ko si Sugar. Sa tabi nito ay nakahanda na ang isusuot ko. Simple lang naman iyon, kaya tiyak na hindi business matters ang haharapin ko ngayong araw na ito.
"Saan?" takang tanong ko rito. Hindi ba uso sa mga ito ang schedule? Biglaan talaga? Or sadyang gusto lang akong binibigla nitong P.A ko na ito. Ibang klase.
"May charity event po kayo, dahil inutos mo sa akin na gawan ng paraan na maisingit ang Foundation na tinutulungan mo, dahil the best din po ako, mas the best pa kesa sa 'yo. Doon po tayo ngayon pupunta." Parang nilait ata ako nito, pero hindi ko na iyon pinagtuunan ng pansin. Malawak akong napangiti at mabilis na kumilos. Ibig sabihin may tutulong na sa foundation. Pasayaw-sayaw pa ako sa labis na galak patungo sa banyo.
