Heart broken killer

Raat ke 12 baje the. Shahar ki sunehari sadak par tez baarish ki boondein gir rahi thin. Ek dhasu, chamkila rasta ab khauf ka silsila banne wala tha. Vikrant apni nayi chamkiti hui car mein baitha tha, uske chehre par ek ajeeb sa guroor aur ghamand tha. Usne abhi-abhi ek masoom ladki ka sacha dil toda tha, use tadpata hua chhoda tha, aur use lagta tha ki duniya mein har cheez aur har jazbaat bikau hai. Lekin use nahi pata tha ki car ki peeche ki seat par maut pehle se hi uska intezar kar rahi thi. Sannate ko chirte hue ek thandi aur bhayanak aawaz aayi—"Kyun, kisi ke jazbaat se khelna achha lagta hai na?" Before Vikrant kuch samajh pata ya peeche mud kar dekhta, ek tez dhaar chaku uske gale par aakar tik gaya. Uske saamne khada tha wahi rahasyamayi shakhs jise log ab 'Heart Broken Killer' kehne wale the. Vikrant ki aankhon mein khauf saaf dikh raha tha. Usne thar-tharampte hue poocha, "T-Tum kaun ho? Tumhe kya chahiye? Paise chahiye toh bolo, jitna bologe utna doonga!" Heart Broken Killer dheere se muskuraaya, par uski muskurahat mein dard aur nafrat thi. Usne chaku ko thoda aur gahra chubhaate hue kaha, "Paise? Mujhe tere us gande paise mein koi interest nahi hai, Vikrant. Mujhe toh tere is jhoothe dil ka hisab chahiye, jo aaj kisi ke sache pyar ko thukra kar yahan chain ki saans le raha hai. Aaj ke baad tu kisi ka dil todne ke layak nahi bachega." Vikrant ne chillane ki koshish ki, car ka darwaza kholne ka prayas kiya, lekin tab tak bohot der ho chuki thi. Heart Broken Killer ka hath ek jhatke mein ghum gaya... aur ek hi pal mein Vikrant ki aakhri saans hawa mein bikhar gayi. Car ke shishe par baarish ke paani ke sath Vikrant ka khoon behne laga. Killer ne uski laash ke upar ek laal rang ka tute hue dil (broken heart) ka card chhod diya, jis par likha nishaan ab shahar mein tabahi machane wala tha. Agli subah, shahar ki sabse tez aur kanoon ko apna khuda manne wali Inspector Sameeksha ka phone bajta hai. Uske assistant ne ghabraate hue kaha, "Ma'am, shahar ke sabse bade businessman ke bete Vikrant ka murder ho gaya hai... aur scene par ek ajeeb sa tute hue dil ka card mila hai." Sameeksha apni tea ka cup table par rakhte hue gambhir aawaz mein boli, "Yeh koi aam dushmani nahi hai... yeh kisi ajeeb pagalpan ki shuruat hai."