THISA’s POV
“Mahal, nasaan na kayo? Nandito na ako sa mall.” Wika ni Hanz sa kabilang linya. Galing siya sa isang business meeting. Si Roel ang pinasama niya sa amin kanina.
Nandito kami nina Hedy at Roel sa mall. May hinahanap kaming materyales kaya nagbaka-sakali kami na meron dito. Iniwan namin si Ethanz kay Tita, sa Mommy nina Hedy at Hanz. Madami naman siyang stock na gatas kaya hindi kami nagmamadali. May iba pa kaming branch nung store na pwede naming puntahan. Naitawag na rin nung manager kanina. Kailangan na lang namin ay pumunta roon. Kaya lang ay sumunod naman si Hanz. Mas madali na ritong magkita kaysa sa unang pinuntahan namin nina Hedy kanina. Hindi nga bagay ang outfit ko rito. Hindi lang ako sanay pero keri na rin.
Ang usapan namin ay sa bahay na lang nila kami magkikit
