THISA’s POV
Daig pa ni Hanz ang may dalaw. Mukhang hindi kami titigilan nito. Kahit sinusubuan ako ramdam ko ang pagka-masungit nito. Anong nakain nito? Pare-pareho naman kami ng pagkain. Masyadong bitter.
Parang nagsisi pa ako na nagluto ako ng snacks at nagharap-harap kami. Si Roel ang iniisip ko, hindi naman magagawang magalit nito sa akin. Kahit kay Hedy, gusto lang niya malaman ang toong score sa dalawa.
“Walang may gustong sumagot sa inyo? Ano si Ethanz pa ba ang tatanungin ko?” pananakot pa nito. Pinipigilan ko lang ang matawa sa mga pinagsasabi nito. Sinenyasan ko na si Roel na sabihin na niya kay Hanz.
“Boss, pre, ano kasi, ah, ganito kasi iyon,” hindi matapos ang pasakalye ni Roel. Isa pa ito, sobrang tiklop pala pagdating sa kaibigan.
“Ano? Nag-isahang labi na kayo? Pina
