لحن الكبرياء

الفصل السابع

متفتكريش ان انا بساعدك عشان تهديدك الاهبل دا واد*كي شوفتي بنفسك آسر ممكن يعمل فيكي ايه

!!!...

انتظرت قليلا ليأتيها الرد من الطرف الآخر في مكالمتها التي أجرتها علي مضض

هتفت امل بتهكم: طب قولي سلامو عليكو ولا ازيك حتي علي طول الكلام دا خبط لزق كدا ..!! اندفعت هاله بعصبية: امل ..!! بقولك ايه مش وقته كلامك الفارغ دا انجزي هلاقي الورق دا فين بالظبط ..!! وهدخله ازاي اصلا ؟!!

قهقهت أمل بسماجة وقالت ببرود تميزت به بجدارة: حيلك حيلك داخله فيا زي القطر كدا ليه دا انا لسه عايزه امدح في نفسي شويه لاني كنت متأكده انك هتسجلي رقمي اللي سيبتهولك قبل ما امشي يوم ما اخوكي كان هيموتني واد*كي اهو بتكلميني ..!!

جزت هاله علي اسنانها وصاحت بحدة: اقسم بربي لو ما اتعدلتي واتكلمتي دوغري وبسرعه هقفل ومش هعبرك تاني ..!!

هتفت بتبلد: خلاص خلاص بصي ياستي انا سمعته مره طبعا من غير ما اقصد انتي عارفاني مبحبش اتصنت علي حد ..

لوت هاله شفتيها وقالت بسخرية : اه طبعا انتي هتقوليلي ...!!!

تأففت أمل وهتفت: اسمعي بس ... كان بيقول لواحد من رجالته ان مفيش حاجه في خزنة بيته وكل حاجه في خزنة الشغل ... عشان محدش من اعداؤه اللي هما طبعا كتير جدا يقدر يشك انه يشيل ورق مهم زي دا بره بيته لا وكمان في شغله الجديد مش في شركته مختار دا مكار ...

كان بيقول كدا ادامه بيفتخر بنفسه وبذكاؤه البني آدم دا عنده جنون العظمه .... هو بيحبك وانتي نقطة ضعفه لازم تدخلي وتحاولي تشغليه في وقت تكون في طبعا الخزنه مفتوحه وتحاولي انه يخرج ويسيبها كدا وقت معين وتدخلي تاخدي كل الورق ومتسيبيش حتي ربع ورقه ....!!!!! وخلي بالك ياهاله لازم تختفي بعدها مباشرة لانه هيتأكد انك انتي اللي اخدتي الورق ودا ممكن يقطع اليمين لو عرف انها خانته فمابالك بيكي انتي ...!!!

رفعت هاله حاجبيها بدهشة وقالت بتساؤل: من امتي الكلام دا ..؟!! أمل بقت تحذرني انا لاااا انتي باين عيانه ..!!

تن*دت بحرارة وقالت بندم: كانت اسوء حاجه عملتها هي دخولي حياتكو م**بتش اي حاجه بخسر وبس ..!!

هزت هاله رأسها وقالت: اه اه طبعا قولي كدا بقا ... وانا اللي فكرتك توبتي وندمانه بس الظاهر انك مش هتتغيري ابدااا علي العموم .... هشوف هنفذ كلامك دا ازاي ربنا يستر ..!!

@@@@@@@@

ماما ..!!

التفتت لها امينه وتركت من يدها رؤوس الثوم التي جلست بجانب دينا الشاردة وكأنها جسد بلا روح لتقشره لطعام الغداء التي تقدمه لها يوميا فتأكل منه الفتات يوما ويوما تعود به دون ان تمسه وها هي الآن لا يتسع ص*رها من الفرحة حين نادتها دينا واخيرا تحدثت اليها فردت بلهفة:

نعم يانور عين ماما ...!!!

نظرت دينا أرضا وقالت بحزن: انا هشتغل في حضانه أطفال ..!!

ضيقت أمينه مابين حاجبيها وصاحت: حضاانه ؟!!

اشمعنا يعني يابنتي هتشتغلي فيها ايه دي بس ...

وهتسيبي شغلك ؟!!

اجابتها بصوت مهتز : مقدرش اروح مكان أيمن مبقاش موجود فيه كل حته هناك كل شبر هيفكرني بيه ..!!

لمعت العبرات بمقلتيها ولكنها تماسكت امام حزن ابنتها وقالت: ربنا يفك كربك يا بنتي .. اعملي اللي يريحك بس طمني قلبي .. حضانة ايه دي وفين ومين قالك عليها ..!!

اجابتها وهي تنظر امامها بثبات: محدش قالي عليها .. انا شوفت الاعلان علي الجرنال اللي كنتي فارشاه تحت الغدا امبارح ومن ساعتها بفكر .. هما طالبين مدرسات حساب وانا اصلا شغلي محاسبة اكيد هقدر اشتغل حاجه بسيطه زي دي وانا في وسط الاطفال هنسي نفسي انتي عارفه ان انا بحبهم جدا ...!!

تعجبت أمينه من حديث ابنتها وتسائلت: لا هو انتي مركزه في الجرنال اللي تحت الاكل ومش مركزه في كلامنا احنا يادينا ؟!! دا احنا غلبنا معاكي كلام ومكنتيش بتردي ...!!!

وجهت نظراتها الي والدتها وقالت برفق: انا اسفه ياماما عارفه ان انا تعبتكو معايا اوي الفتره اللي فاتت دي بس خلاص باذن الله هشد حيلي وهخرج من اللي انا فيه دا عشان ايمن مش مرتاح وبيجيلي في احلامي دايما زعلان مني ومن حالتي دي ..!!

غصة وقفت في ص*ر أمينه وشعرت أنها لا تستطيع التماسك اكثر من ذلك فانفجرت بالبكاء فنهضت دينا اليها واحتضنتها وقالت بعتاب: بقا كدا ياماما مين اللي يهدي التاني متزوديش همي مقدرش اشوف دموعك والله ...!!"

كفكفت أمينه دموعها وقالت بحب: انا هموت عشانك يا دينا عمري ما شوفتك يائسه كدا ومبتتكلميش معايا .. انتي روح البيت دا يابنتي انتي روحي انا ...!!!

ابتسمت دينا ابتسامة حزينة وقالت: خلاص ياماما اوعدك هتغير وهنزل بكره اقدم في الحضانه واشتغل ومش هزعلك عليا تاني ابدا ...!!!

@@@@@@@@@@

انا مش مصدق انك اخيرا سامحتيني ...!!!

ابتسمت بصدق وقالت: عشان فعلا انت بقيت انسان تاني ...!! بقيت ملتزم وعارف ربنا وبتصلي ووشك بيبقي في الارض لما بتتكلم مع بنت وانا ملاحظه دا جدا ومستحيل يبقي تمثيل

!!!...

ابتسم ابتسامة واسعة وقال بسعادة: ذنبك كان حمل تقيل علي ضهري اوي يا دعاء مكانش بينيمني الليل وكل توسلاتي ليكي الفتره اللي فاتت كان عندي استعداد اقضي عمري كله اتحايل عليكي واعتذرلك واطلب مسامحتك من غير كلل ولا ملل ...!!!!

اجابت بود: ربنا يديم عليك الهدايه يا هشام ..!!

يلا انا لازم اشوف شغلي وانت كمان يا أستاذ اتفضل علي شغلك ...!!!

علي ماذا سامحتيه يا دعاء علي ماذا يتوسل إليكي ..!! سأجن يا ربي نار الغيرة تمزق احشائي أود ان اقبض بيدي علي قلبها وأكتب اسمي بين شيرايينه بقلم حبره لا يمحيه الدهر .... كان

إحضارك للعمل هنا يا هشام إحدي أخطائي التي أدفع ثمنها غاليا الآن .. لا اتحملك بقربها لا اتحمل إستماع أذنيها لصوتك ولا رؤية عينيها لك اغار من أذنيك وهي تستمع لصوتها الرقيق أود ان أقتلعك من هنا بلا عودة ولا أعلم كم سأطيق الانتظار والتحمل .....!!! اهدأ يا آسر فلست بمراهق لتؤثر بك تلك الاشياء ..... اهدأ يا قلب ورفقا كن رحيما بي فأنا العاشق المكوي بنار القسوة والجفاء من معشوقتي الحسناء تلك التي لا تشعر بي ولا تهتم .....!!!!!

@@@@@@@@@@@

رحمه انا عايزه منك خدمه ...!!!!

اجابتها بتساؤل: خير يالولو عنيا ليكي ..!! نهضت هاله من مكتبها وتقدمت إليها بسرعة وهتفت: تسلمي عنيكي ... بصي هقولك سريعا كدا انا عايزه ايه قبل ما رامي يرجع من بره ...!!!

ثم واصلت حديثها وقالت علي استحياء: انا عارفه ان اللي هطلبه دا صعب اوي ... بس صدقيني في عيله كامله مدمره ودا الحل الوحيد ان كل حاجه ترجع كويسه ..!! وكمان في حد لسه بيتأذي لحد دلوقتي ..!! او اكتر من حد ..!!

قاطعتها رحمه بتعجب: هااااله ادخلي ف الموضوع علي طول انا مش فاهمه اي حاجه وايه اللي اقدر اعمله للعيله دي ..!! ومين اصلا العيله دي ..؟!!

ردت باختصار: عيلتي يا رحمه ..!!

رفعت رحمه حاجبها الايسر ولوت شفتيها للامام وقالت: عيلتك انتي ...!!!

اخذت نفسا عميقا قبل ان تقول: هفهمك كل حاجه بعدين والله بس دلوقتي مفيش ادامنا وقت كتير

!!..

وضعت كفيها علي وجهها بضيق ثم استرسلت في حديثها: انا هحاول اخرج مختار من مكتبه بأي شكل انشالله يخرج من الشركه كلها دا بعد طبعا ما هاخد مفتاح خزنته بصنعة لطافه كدا واديهولك وبعد ما نخرج هتدخلي تاخدي كل ورقه ف الخزنه حتي اصغر ورقه تاخديها وتقفلي الخزنه وكأنك مدخلتيش خالص ...!!!

ض*بت رحمه علي ص*رها وصرخت: يانهار اسود ... انتي بتقولي ايه ..... طب ليييه كل دا وافرضي حد شافني داخله هناك ولا ب**اتي ...!!

لا وكمان الكاميرات ... جمله هتف بها صوتا ثالث وهو يدلف الغرفة بهدوء ثم تابع قائلا: طب حتي اقفلو الباب لو بتتكلمو في موضوع مهم زي داا

!!...

حجظت اعين هاله وقالت بتوتر بالغ: راااااامي

!!!...

@@@@@@@@@@@

ازيك يا ندله .. خلاص مين لقي احبابه نسي اصحابه طب اسال علينا يا عم ...!!

ابتسمت جنه رغما عنها وهي تجيب بأسي: احباب ايه ياروعه بس انا شايفه الهم هنا والله ...!!! اجابتها روعه بقلق: اللهم اجعله خير في ايه خضتيني ...!!!

زفرت بضيق: لا الكلام دا مش هينفع في الموبايل لازم اشوفك ..!! لو فاضيه دلوقتي نخرج هقولهم ان انا رايحه لماما ...!!!

تمتمت بقلق: بلاش تكدبي ياجنه ...

اجابتها بحزن: مفيش ادامي الا كدا يا روعه مش هيرضي يخرجني حابسني هنا خدامه لامه وولاده

!!!!....

هتفت بحنان: ياقلبي عليكي ياحبيبتي طب خلاص انا هطلع اهو شوفي عايزه نتقابل فين ..!!!

@@@@@@@@@@@@

اقترب منهم رامي وقال بهدوء: متقلقيش مني يا هاله ... انا هساعدك ..!!

اهتز صوتها وزاغت نظراتها وقالت: تساعدني في ايه ..!! وليه اصلا ... هو انت تعرف انا عايزه اعمل كدا ليه ...!!!

هز رأسه موافقا وقال: اه طبعا عارف كل حاجه يا مدام هاله ..!! حرم عماد عبد القادر سابقا ...!!

والدة طفلتين زي القمر ..!! قاعده حاليا مع اخوكي دكتور آسر ....."""" ها تحبي اكمل ولا كفايه لسه في كتييييير ...!!!

فزت رحمه واقفة وقالت بعنف: في ايه يا رامي مش المفروض ان دي حيات هاله الشخصيه انت بتجسس عليها ولا ايه ماتفهمنا ايه حكايتك بالظبط ؟؟!!

توجه الي مكتبه وجلس بهدوء وهتف ببرود أعصاب: اهدي يا آنسه رحمه ...!!! اولا انا هساعدك ياهاله انك تقضي علي مختار لاني بردو عارف الجزء اللي يخصه في حياتك وأد هو أذاكي

!!!!!....

توجهت اليه هاله وقالت بحده: دلوقتي حالا لازم اعرف انت عرفت كل دا ازاي وليه ..!!

ابتسم بهدوء وتمتم: قولتلك متخافيش ياهاله ...

انا رامي الجبالي ..!!

صرخت رحمه بدهشه: يالهووي ابن صاحب الشركه ..!!

وجه بصره اليها قائلا: ايوه عشان كدا اي حد بحب اعرف عنه حاجه بعرف ..!!

جلست هاله امامه علي المقعد المقابل له وقالت:

امال قاعد معانا هنا ليه المفروض تبقي في مكتبك اللي طبعا اكبر واهم واحلي من دا بكتير مش شايف انها غريبه شويه ..!!

هز رأسه موافقا وقال: انا معاكي في كلامك دا بس انا حبيت ابني نفسي من الصفر واشتغل في قسم الديزاين اللي انا بحبه جدا وبحب الناس تعاملني لشخصي مش لنفوذ والدي ....!!!!!

نظرت له هاله بإعجاب وصاحت: بجد من اجمل الشخصيات اللي ممكن الواحد يتعرف عليها يا استاذ رامي ولا اقولك يارامي بيه ...!!!!

قهقه بمرح وقال : انا هفضل زي مانا معاكو هنا واتمني اللي قولته دا محدش يعرفه انا قولته بس عشان تطمنو ان انا هقدر بإذن الله اساعدكم ..!!

ثم استرسل في حديثه : هاله هتحاولي تاخدي منه المفاتيح بأي طريقه .. وتخرجيه من المكتب وتروحو اي مكان واول ما رحمه تخلص وتاخد الورق هترن عليكي وتسيبيه وتمشي وانا طبعا هعطل الكاميرات ..!!

ردت هاله بإستفهام: ممكن افهم انت هتعمل كل دا ليه ..؟!

ابتسم وصاح: حقك متثقيش فيا بس انا مبحبش الظلم وكدا كدا أخرته قربت هنا في الشركه انا اتفقت مع والدي انه يفض الشراكه الاخيره اللي بينا وبينه ودا مش عشان كلامه المتعالي معايا ادامكم لا عشان عرفت ان شغله كله مشبوه والاكيد انه جاي هنا عشان يوصلك ويذل جوزك ادامك ...!!! انا قصدت اضغط علي عماد ادامك عشان تاخدي موقف عشانه ومتسكتيش ...!!!

نظرت له نظرات محملة بالكثير ) عدم تصديق - اعجاب - اندهاش ( مشاعر مختلطه لم تستطع تمييزها فقالت بتساؤل: المفروض اصدق ان لسه في ناس بالشهامه دي دلوقتي ...!! انت شويه وهيطلعلك جناحين زي الملايكه ...!؟

وضع يده علي فمه وضحك بطريقة جذابة وقال:

امممم معاكي حق بس انا مكنتش كدا كنت اكتر انسان مستهتر غ*ي بصرف الفلوس من غير ما احس بقيمتها علي طول سهر وبنات وشرب ....

هحكيلك وساعتها هتفهمي انا بقيت كدا ازاي

!!!...

@@@@@@@@@@@@

دا جزائي انا استاهل كل اللي بيجرالي دلوقتي دا ... من يوم ما هشام واجهه واجبره علي الجواز الرسمي ادام الناس وانا بتعذب ياروعه ..!!

ربتت روعه علي يد جنه وقالت بحنو: هوني علي نفسك ياجنه واحمدي ربنا انك اتسترتي ومتفضحتيش وهشام عمل الصح والله ..!!

هزت رأسها بضعف وهتفت: انا عارفه انه عمل الصح بس بردو انا بتعذب ومحدش حاسس بيا ...

أمه زي مايكون شارياني من سوق العبيد وولاده بيعاملوني أقذر معامله وهو في الرايحه والجايه بيعاير فيا ويقولي دا انا لميتك يا لمامة الشوارع