لحن الكبرياء

الفصل الثامن

شهقت روعه بإندهاش وهتفت بحدة: ازاي تسكتي علي حاجه زي دي فهميني ...!!! دا لازم يتلم ويعاملك بما يرضي الله ..!!

اجابتها بتهكم: ازاي ... وهو شايفني رخيصه عشان رضيت اتجوزه في السر من ورا اهلي مع اني عارفه انه مطلق وعنده ولدين .... قال دي واقعه ولا ملهاش اهل يربوها فاستغل انا الفرصه دي ... هتصدقيني لو قولتلك ان كل الكلام دا قالهولي امبارح بل**نه ... **رني ياروعه

انتفضت روعه وقامت من مكانها بعصبية كالذي اصابه لدغة عقرب وقالت: قومي ياجنه ... انا هتصرف ...!!!

نظرت اليها وهي علي نفس هيئتها جالسة تائهه فصاحت بها روعه: قولتلك قومي يلاااا

ثم دفعت حساب المقهي وطلبت منها ان تهاتف ش*يقها وان تعطيها الهاتف لتتحدث معه

فهاتفته وما إن أجاب حتي ناولت لروعه الهاتف فتحدثت: السلام عليكم يا هشام انا روعه ..!!

دق قلبه بسرعة رهيبة وكأنه كان يعدو مئات الاميال وقال بصوت مضطرب: وعليكم السلام ازيك يا روعه ... في حاجه ولا ايه انتي مع جنه دلوقتي ..؟!!

اجابته بجدية: ايوه لو سمحت تيجي دلوقتي حالا لازم نتكلم كلنا احتا هنقعد نستناك في الحديقة العامه ياريت متتاخرش ...!!!

رد بفرحة لانه سيراها اخيرا ويشبع عيونه من نور وجهها ويتحدث معها وجها لوجه: ان شاء الله مش هتأخر هستأذن دكتور آسر واجي ..!!

@@@@@@@@@@@

انا يا هاله كنت انسان عديم المسئوليه كل اللي فارق معايا هو اني اخد فلوس واجري اجيب بيها م**رات .... ايوه انا كنت مدمن وكانت حالتي واصله لاخر مراحل من السوء ومكانش بيهمني حد بنفوذ ابويا ممكن احبسه البسه تهمه واخرج منها زي الشعره من العجين كله بالنفوذ والفلوس

..... لحد ما في يوم كنت خارج انا وشله من صحابي طبعا كلهم ولاد ناس اغنيا ومهمين فواحد من الشله الفاسده دي كان جايبلنا صنف جديد نجربه ... اضعف حد فينا كان إبن البواب كنا مسمينا كلب البيه ... متخيلين احنا كنا كلاب

لدرجة ايه هو كان انضف مننا علي الاقل خايف علي شغل ابوه ..... واحد من الفاسدين غصب عليه وهو سكران مش في وعيه انه يجرب الصنف الجديد زي فار التجارب كدا يعني ..!!

وهو رفض هدده انه يطرد عيلته ومش بس كدا هيحبس ابوه طبعا الولد خاف علي اهله فأخد الجرعه وفضل التاني يضغط عليه لحد ما قطع النفس ومات قعدنا كلنا نصرخ زي المجانين اول مره نشوف حد ميت ادامنا وكمان احنا اللي قتلناه

.... جبنا ملايه ولفيناه بيها ورميناه ف حته مقطوعه ...!! من اليوم دا وانا مبنامش وبتعذب لحد دلوقتي صورته وهو بيموت مش بتفارقني وهو بيستغيث والتاني بيضحك عيله .... روحت سلمت نفسي وحكيت كل حاجه وقولت اسماء كل اللي كانو معايا واسم اللي موته طبعا مناصب اهاليهم خرجتهم براءه لا وكمان طلبو رد شرف ..... ووالدي كمان اتدخل وخرجني فضلت مقاطعه سنين واشتغلت كذا شغلانه نقاش ونجار وحداد وسباك كل حاجه ممكن تتخيليها لحد ما والدي

عرض عليا ان انا اشتغل عنده زيي زي اي موظف عادي وانا طلبت منه محدش يعرف ان انا ابنه رامي الجبالي وبقيت الموظف العادي اللي انتو شايفينه دلوقتي دا ...!! من يومها وانا كل ما بشوف حد في محنه مبقدرش اديله ضهري وانتي دلوقتي في محنه لازم اساعدك ....!!!!!

أصابهما الذهول وتبادلتا النظرات بل**ن مقيد فنطقت هاله: انت دلوقتي بتحكيلنا كل دا ليه يخصنا في ايه ؟!!!

ن** رأسه بحزن وقال: معرفش .. حسيت ان انا محتاح اتكلم وعشان تطمنو ان انا فعلا عايز اساعدكو ..!!

اجابته هاله بثقة: وانا واثقه فيك يا رامي وبإذن الله هنفذ بكره ...!!! @@@@@@@@@@@

ذهب هشام لمكان تواجد ش*يقته وروعه .. دخل من بوابة الحديقة فرآهن جالستان والحزن يغيم علي سمائهن فاقترب منهم وألقي التحية وقال بقلق حقيقي: في ايه ياروعه قلقتيني ..؟!!

اجابته بحدة: اه طبعا فيه انت سايب جنه كدا حرام عليك ارحمو من في الارض يرحمكم من في السماء ...!!! مش معني انها غلطت يبقي نموتها يعني ..!!

هز رأسه ببلاهة وهتف بتساؤل: في ايه ما تفهميني بس براحه اللي حصل انا مش فاهم حاجه ابدا ...!!!

فهتف جنه بخوف: لا يا روعه هشام فعلا ميعرفش حاجه عن حياتي وحالتي براحه عليه عشان خاطري ....!!!!

قصت عليه روعه كل ما سمعته من جنه وعيناه معلقة ب*عاع النور الذي يخرج من عينيها البنية التي أسرت قلبه دون منازع وقلبه يقول الكثير من الشعارات بجمالها الرباني وحجابها الذي زادها علوا وغلوا فاستغفر ربه وحدث نفسه قائلا: لا يجوز النظر لما لا يحل لك يا هشام ...

فصاحت روعه: هشام انت معانا ولا مش مركز في كلامنا ...!!!

هتف بشرود: هاااه كنتي بتقولي حاجه ...!!

تأففت وقالت: حاجه واحده قول حاجات ... كنت بحكيلك عن وضع جنه واللي هي شايفاه لا زم تاخد موقف وتعملها كرامه وهي والله ندمت وتابت وربنا غفور رحيم هتيجي انت بقا تحملها فوق طاقتها ...!!!

ابتسم بهدوء وقال: ومين قال هسيبها انا والله اول مره اسمع الكلام دا وكل ماأسالها تقول كويسه ثم وجه نظره لجنه وقال: ... ليه ياجنه محكتيش عن كل اللي بيحصلك دا ..!!

هتفت بخوف: بصراحه يا هشام كنت خايفه منك

!!..

صاح بصوت واثق: انتي هتيجي معايا ومش هتروحي الا لما اوضعلك حد وان متظبطش بلاها رجعه خالص فاهماني محدش هي**رك طول مانا عايش ....!!!!! @@@@@@@@@@@@

حاول آسر التودد والتقرب من دعاء بكل طريقة ممكنة فكانت له بالمرصاد ... ولا يدري ما سبب ذلك الجفاء أسببه ان هناك شخصا ما بحياتها أم رفض عام وما هي قصة هشام معها أم ان غيابي وغضب هاله ووالداي جعلها تنفر مني فهي لا تعرفني جيدا من المؤكد انها تبتعد عني خوفا مني ومن طباعي السيئة كما ظنو بفترة غيابي ... قرر اخيرا ان يجرب حظه معها مرة اخري وان يقص عليها قصة غيابه فتوجه إليها لكي يتحدث معها عن ذلك الأمر .....!!!!!

عادت روعه الي منزلها في المساء فوجدت والدتها ووالدها يتسامران والابتسامة تتناوب بينهما وكأن هناك شيئا سعيدا علي وشك الحدوث ... ألقت عليهم التحية وهتفت بمرح: متجمعين في بيت الله ياااارب ... شكلكو مبسوطين ..!! ممكن افرح معاكو ..!!

رد والدها بحب: احنا اللي المفروض نفرح معاكي وبيكي ..!

صاحت بتعجب: انا ... بيا انا ازاي ؟!

ابتسم وقال: اه طبعا انتي متقدملك عريس ابن ناس كويسين اوي وشاريكي وماشاء الله عليه " سيماهم علي وجوههم " باين عليه انه شاب ملتزم وتقدملك علي أثر سمعتك واخلاقك الطيبه

!!..

هتفت بضيق: بس انا مبفكرش في الموضوع دا دلوقتي وحضرتك عارف يابابا انا اهم حاجه عندي الدراسه ...وانا دراستي مش سهله وعايزه تركيز

!!..

اجابتها والدتها بإصرار: ماهو عارف كل دا يابنتي وبعدين الخطوبه مش هتعطلك ابدا هو عارف ضوابط الخطوبه كويس وزي ما باباكي بيقولك ملتزم جهزي انتي نفسك بس جايين بكره وبإذن الله خير اللي تقوليه هنوافقك بيه محدش هيغصبك علي حاجه ...!!

شعرت روعه ان كثرة الحديث لن تفيد فقالت بنفاذ صبر: خلاص ماشي ربنا يقدم اللي فيه الخير بعد اذنكم هدخل اغير هدومي واقعد اذاكر شويه

!!!!...

نظرت إليها والدتها وهي تغادر وهتفت داعية لها : ربنا يسعدك يابنتي يارب واشوفك احسن الناس

!!..

ثم صوبت نظرها الي زوجها وقالت بقلق: انت متأكد يا أبو روعه ان العريس دا مناسب ليها ..!!

ابتسم بود كبير وقال : اه طبعا متقلقيش دا بنتنا الوحيده معقول نرميها لاي حدا كدا لا لازم يكون حد يستاهلها والشاب دا انا عارف واالده الله يرحمه كويس ربنا يكتبلها بيه الخير ...!!!

@@@@@@@@@@@@

في صباح اليوم التالي ذهبت هاله باكرا الي عملها متحمسة لتنفيذ خطتها للإيقاع بمختار وناچت ربها كثيرا ان يمنحها التوفيق والدعم .... جلست علي مكتبها في انتظار وصول رامي ورحمه تعد الدقائق والثواني حتي وصلت رحمه والقت عليها التحية فردت هاله بتوتر: وعليكم السلام يارحمه

!!..

لاحظت رحمه التوتر الذي يظهر جليا علي ملامحها فصاحت: اهدي ياهاله التوتر مش في صالحنا خالص خليكي ريلا** كدا اطلبلك فنجان قهوه ..!!

فركت كفيها بعصبية مفرطة: قهوة ايه بس يارحمه دلوقتي ؟!! متعرفيش رامي اتاخر ليه ؟!!

ابتسمت واجابتها: ياحبيبتي اهدي اتاخر ايه بس انتي اللي جايه بدري اوي وحتي انا كمان جايه بدري ..!!

نهضت واخذت الغرفة ذهابا وايابا وهتفت: لازم نراجع الخطه كويس اوي اي غلطه هتودينا في داهيه ومختار بيجي بدري تقوليش ياختي جاي يلم الايجار من سكان العماره ..!!

قهقهت رحمه وقالت بمرح: الله طب ماانتي حلوه اهو وبتعرفي تألشي حتي وانتي قلقانه ومتوتره.

!.!

ابتسمت هاله رغما عنها وقالت: بت انتي انا مش فايقالك اطلعي من دماغي دلوقتي ..!

أنهت كلمتها تلك في دخول رامي فألقي عليهم التحية وجلس وهو يقول .. ها جاهزين ..!!

هتفت رحمه بتهكم: علي طول كدا ... انت مبتضيعش وقت ابدا ....!!!!

نظرت لها هاله بغيظ وقالت: معلش يا رامي سيبك منها ... انا جاهزه ...!!! ومختار زمانه علي وصول ..!!

جلس ثلاثتهم يتكلمون بصوت هامس ويتناوبون الادوار بينهم وأكد عليهم رامي ما عليهم فعله بشكل دقيق ونبههم ان التوقيت لابد ان يكون منظما ومدروسا لتحركاتهم جميعا ..... **تو عم الكلام عندما سمعو مختار يصيح بسكرتيرته الخاصة ان تحضر له كوبا كبيرا من القهوة علي مكتبه فورا ...!! خفق قلب هاله وتوترت كثيرا عندما سمعت صوته البغيض ..فبثها رامي بعضا من الكلمات المطمئنة وقال: متخافيش انا معاكي وفي ضهرك وفي اسوء الاحوال مش هيقدر يأذيكي اطمني ... يلا قومي روحيله المكتب ..!!! وقفت هاله واخذت نفسا عميقا وتقدمت خطوتين الي الامام ثم التفتت ووجهت كلماتها الي رامي:

اكيد مفتاح الخزنه هيكون في ميدالية مفاتيحه بتاعت البيت والعربيه وكل دا ..!!