لحن الكبرياء

الفصل التاسع

طرق رامي علي رأسه بكفه وقال: هاله... لو مش جاهزه اقعدي وننفذ وقت تاني .. انا حفظتك الكلام دا كتير اوي .. اكيد طبعا اي راجل مننا مبيحبش الزحمه فتلاقيه مجمع كل مفاتيحه الخاصه والمهمه في ميداليه واحده والميداليه دي اذا مكانتش ادامه علي المكتب يبقي في جيب جاكيتته او في شنطته ... اقول تاني ولا خلاص ..!!

ن**ت هاله رأسها من الخجل وتمتمت: لا خلاص انا ماشيه ..!!

توجهت الي مكتب مختار وقلبها يعزف سيمفونية مختلطة من الخوف,والقلق والشجاعة والانتقام طرقت بابه وهتفت بإسمها فأذن لها بالدخول بعد غير مصدقا انها أتت اليه اخيرا إليها بفرحة وقال:

يااااااه واخيرا جه اليوم اللي جتيلي يا هاله كنت متأكد ان اليوم دا هيجي. !

اجابته بصوت خافت: عندك حق انا كنت غلطانه لما رفضتك ودلوقتي جايه اصلح غلطتي ..!!

كاد ان يجيب عليها لولا دخول سكرتيرته بقهوته التي طلبها ... وضعتها علي مكتبه واستأدنت بالخروج .. زاغت نظرات هاله تبحث بعنيها عن المفاتيح فلم تجدها علي المكتب فاستنبطت انها داخل سترته كما اخبرها رامي فأتتها فكرة ....

تقدمت بسرعة وامسكت بكوب القهوة وقالت:

استني انا هقدمهالك بايدي هو انا عندي اغلي منك

!!!..

تملكته السعادة وعميت عيناه عن مظهرها المتوتر لم تحمل عينيه الا الحب والشغف فقط ... اقتربت منه وسكبت القهوة علي سترته المعلقة ورائه علي مقعده وصرخت بطريقة مصطنعة: ياخبر اسود .... انا اسفه ماخدتش بالي خالص انا لازم اخدها انضفها حالا ...!!

امسك بيدها وهي تمدها لتأخذ السترة فجحظت عيناها وتنفست بسرعة شديدة ... تنحنح قائلا:

سبيها. ...!!!! تولع الچاكيته خليكي شويه انا ماصدقت انك معايا هنا ...!!

اغمضت عينيها بإرتياح وابتسمت ابتسامة صفراء وصاحت: لا مينفعش انا هنضفها بسرعه واجيلك اقضي معاك اليوم كله ماهو مينفعش تمشي بيهل كدا ميرضنيش لازم اتباهي بيك وسط الناس ..!! رفرف قلبه في أعالي سماء العشق وقال بحب كبير: اللي تشوفيه ياحبيبتي انا ملك ايد*كي ..!!

جزت علي اسنانها وهمست قائله: حبك برص

!!...

فقال متسائلا: بتقولي حاجه ياحبيبتي ..!!

ابتسمت بسماجة وقالت: لا ابدا ... يلا انا كش هتأخر رجعالك جري ...!!

@@@@@@@@@@@@

السلام عليكم ... لو سمحت انا جايه بخصوص الاعلان ... طالبين فيه مدرسين حساب ..!! اجابها الموظف المسئول عن الاستقبال : اتفضلي حضرتك ارتاحي. !وسجلي بياناتك وجاوبي علي كل الاسئله اللي فيها ورجعيهالي هنا اسجلها عندي ولما يجي دورك هندهلك ..!!

هتفت دينا: يعني انا ادامي كل دول لسه ..!!؟

اجابها ببرود وهو يعطيها الورقة : ايوه ...

اتفضلي حضرتك ومتضيعيش وقتنا ..!!

@@@@@@@@@@@@

عادت هاله الي رامي ورحمه تحمل سترة مختار بين يديها بإنتصار فهتفت رحمه بتعجب عندنا رأتها تدخل بها: يالهووي احنا قولنالك تجيبي المفاتيح تدخلي بالجاكيته كلها ..!؟!

اجابتها هاله بفرحة : مانا دلقت عليها فنجان القهوه وقولتلها هاخدها انضفها وجيت جري ..!!

ثم وجهت حديثها لرامي: يلا يارامي مفيش وقت طلع المفاتيح ..!!

اخرج رامي المفاتيح من جيب السترة الداخلي وأخذها وخرج مسرعا ثم عاد بعد نصف ساعة كانت هاله تماطل فيها وتتصنع انها تقوم بتنظيف السترة وتجفيفها .... واعطاها المفاتيح بعد ان طبع منها نسخة طبق الأصل لكي لا يشعر مختار بشئ فأخذت هاله السترة ودخلت إليه مرة اخري

...

هتف مختار بعتاب: كدا يا هلولتي تتأخري عليا كل دا ..!؟

شعرت هاله بالغثيان من حديثه اللزج ولكنها تماسكت وتصنعت الحزن وقالت: انا زهقانه اوي وزعلانه ممكن نخرج نقعد في اي كافيه نفطر هناك ...عشان خاطري ..!!

نهض مسرعا وهو يقول: بس كدا انتي تؤمريني وانا انفذ هود*كي مكان عمرك ما شوفتي احلي منه ...!!!

اشارت له هاله بيدها ان يتوقف وصاحت بجدية:

طب خلاص انا هخرج الاول وهستناك بره الشركه عشان مينفعش حد يشوفنا هيقولو. ايه ...!!

اجابها بتفاخر : حد مين ..!! الشركه دي باللي فيها ملكي هو حد يقدر يرفع عينه فيا او في اللي معاايا ..!

قاطعته بسرعة: لا معلش خلينا كدا دلوقتي علي الاقل ... يلا انا هخرج وهستناك تحت متتاخرش عليااااا ...!!

رد عليها بنحنحة: انا اقدر اتأخر عليكي ... انا عمري كله ليكي انتي وبس ...!!

اعطته ظهرها وتقدمت في الخروج دون ان تجيبه وحدثت نفسها قائلة: ابو تقل دمك امك ...!!

سوري يا طنط بس انتي بليتنا ببلوة سودة ...!!!

دخلت هاله مكتبها واخذت حقيبة يدها وهمست بصوت خافت : اجهزي يارحمه هو هيطلع بعدي من المكتب بشويه صغيرين ... اول ما ارن عليكي تدخلي تنفذي علي طول ... وربنا يستر

@@@@@@@@@@@

آنسه دينا اتفضلي يافندم ..!!

نهضت دينا وشكرت الموظف وطرقت الباب ودلفت الي غرفة المدير بعد ان استأذنت .. ألقت عليه التحية وجلست بعد أن أشار لها بالجلوس .... سألها بعضا من الاسئلة اجابتها جميعا بذكاء جعله يندهش منها ومن اسلوبها الرقيق الهادئ ايضا شعر انها مختلفة عن سابقيها فسألها اخر سؤال: ايه اللي يخليكي تقدمي في حضانة اطفال وانتي ممكن تفضلي في شغلك وفي نفس منصبك او حتي تغيري الشركه ...!!!

اجابته بنبرة مختنقة: بلاقي نفسي وسط الاطفال ..!! ههرب من كل الدنيا ليهم ولحنانهم وبرائتهم

...!!! اللي جابني هنا هروب من الناس ومشاكلهم ونفاقهم .... مع الاطفال انا مش هلاقي غير حب متبادل وراحه نفسيه ..!!

اعجب كثيرا بردها المميز فشكرها واخبرها ان تنتظر خبر تعيينها او الاعتذار منها ....!!!!

خرجت وراحت تمشي بلا هدف شاردة تائهة تسمع صوت أيمن يحادثها تشم رائحة عطره التي مازالت تدغدغ انفها حتي الآن .. ثارت ضدها جفون عيونها وحررت أسراها من الدموع اللاذعة فجلست علي مقعد من مقاعد الطريق ووضعت كفوفها علي عينيها واطلقت العنان لعبرات حاربت نفسها مؤخرا كي لا تخرجها للنور ) ويلاه يا من تمزق فؤادي بعد رحيلك ... أنتظرك كل يوم كل ساعة كل دقيقة بل كل ثانية .. اعلم انك لن تأتي ولكني لا اكف عن انتظارك فهل ينصفني القدر ويأخذني إليك أم مصيري ان تتذوق روحي گؤوس الفراق والمرار والحنين إليك .... كنت لصوتك ورائحتك وعيونك السوداء أتبع الآن تركتني وحدي ابكي واتألم حتي أشبع ( @@@@@@@@@@@@

جلست هاله مع مختار بمقهي مصنف انه لكبار البلدة فقط من يمتلكون النقود الخضراء ... هتف وهو يضع ساق علي ساق بتكبر: ايه رأيك مش قولتلك المكان هيعجبك اووي شايف عنيكي منبهره ومعجبه باين اوي عليهم ...!

ظلت تطرق علي الطاولة بأصابعها بتوتر فأكمل حديثه: بس مش عارف مالك مش علي بعضك كدا

...

اجابته بابتسامة مقتضبة: لا ولا حاجه انا كويسه

!!..

صاح بحب: اطلبك ايه بقا ولا تاكلي علي زوقي. ! تأففت هاله وبيدها هاتفها تنظر له كل ثانية وقالت بضيق: اللي تحبه اطلبه مش فارقه ..!!

هتف بصوت قارب علي الانفعال: في ايه ياهاله

..!! انا حاسس انك قاعده معايا غصب عنك ..!

حدثت نفسها قائله: حاسس ..!! هو انت بتحس اصلا يابعيد ..!!

كادت ان تنطق بشيئا فتوقفت عندما رن هاتفها معلنا عن وصول رسالة من رحمه ففتحتها بلهفة وكانت تنص علي: " تم يا برنسيسه "

فتهللت اساريرها وابتسنت ابتسامة واسعة وقالت بفرحة: اطلب حاجه بارده نشربها يا مخاميخو لحد ما اروح التواليت وارجع ..!! اطلب اطلب دا انت هتطلب طلبات عسل ..!!

تعجب مختار وقال بدهشة: مخاميخووووو

!!!!!!.....

@@@@@@@@@@@@

اخرجها من دوامة احزانها صوت هاتفها وهو يضئ بإسم الضابط ياسين فأجابت وهي تشهق من البكاء فـ رق قلبه لحالها وتنحنح قائلا: آنسه دينا ياريت حضرتك تتفضلي هنا خلال ساعه علي الاكثر لان تم القبض علي مصطفي البحراوي انا قولت جايز تحبي تحضري التحقيق

فزت واقفة ومسحت دموعها وقالت بلهفة : جايه حالا متشكره جدا يا حضرت الظابط مسافة الطريق وهكون موجوده انا قريبه منكم ....!!!

@@@@@@@@@@@@

تسللت هاله من المقهي بطريقة ما وفرت هاربة وذهبت لآسر تختبأ من غضب مختار بعدما يكتشف فعلتها تلك .... حادثت رحمه وهي في طريقها للوصول لصيدلية آسر وطلبت منها ان تعطي الاوراق كاملة الي عماد وان تطلب منه ان يسلمها للشرطة حالا والا يؤخر دقيقة واحدة قبل ان يدري مختار .... وحذرتها من البقاء بالشركة لانه حتما سيشك بها ..... فذهبت رحمه علي الفور لعماد وسلمته الاوراق واملت عليه طلب هاله وغادرت الشركة بعد ان حذرت رامي ايضا فطمئنها واخبرها انه سيتصدي لمختار .....!!! وصلت هاله الي الصيدلية وعندما رأت آسر احتضنته بخوف وقصت له كل ما حدث.....!!!!

فصرخ بها: وحضرتك كنتي ناويه تقوليلي امتي بقا ان شاء الله ..؟! "

اجابته بحزن: انت مبتتحملش حاجه عليا يا آسر كان ممكن تبوظ كل حاجه بتسرعك ..!!

مرر كفه بخصلات شعره بعصبية وقال: بقا يا هاله تخليني انا آخر من يعلم ... بقا تعرضي نفسك لخطر زي دا ومتقوليليش ... انا مش قادر استوعب والله ..!! انتي بتتصرفي من دماغك ليه ..؟! مالكيش راجل ترجعيله ..!؟

نظرت له بغضب وصاحت: اخص عليك يا آسر ايه اللي انت بتقوله دا .... دا بدال ما تقولي براڤو عليكي اتصرفتي صح قاهد بتقطم فيا كدا ..!

زفر بنفاذ صبر وهتف بضيق: الصبر ياااارب ...!!

ثم اشار بيده لغرفة بجانب المخزن التابع للصيدلية وقال: ادخلي الاوضه دي ومتخرجيش منها مهما حصل سامعاني مهما حصل ...!!!

قالت بإنزعاج : بس ياآسر هقعد ازاي ف الاوضه دي ..!!

قاطعها بعصبية: مابسش. !! اللي اقوله يتسمع ...

وبعدين مالها الاوضه مجهزه من كله اوضه الدكتور المناوب ادخلي شوفيها ...!!!

@@@@@@@@@@@@

ذهب عماد وسلم كل الاوراق الي الشرطة ... كانت بالفعل اوراق خطيرة عن تجارات مشبوهة وصفقات تزج به داخل السجن مدي الحياة ومعه اسماء كبيرة من كبار البلد ....فأص*ر قرار فوري بالقبض عليه هو وكل من ذكرت الاوراق اسمه ومنعه من السفر خارج البلاد ...!!!!

عاد مختار الي العمل بعدما شك بتأخر هاله وعدم ردها علي اتصالاته المتكررة فعاد والغضب يحرق الاخضر واليابس بداخله فدخل مكتبه وطلب من السكرتيرة ان تستدعي هاله فأخبرته انها لم تعد بعد ...!!

لاحظ ان خزانته غير مغلقة بطريقة صحيحة فتملك الشك من قلبه وانهارت اعصابه عندما فتحها ولم يجد به سوي المال وكل الاوراق سلبت منها فصرخ بهيستريا واستدعي سكرتيرته وسألها عن الذي دخل مكتبه فأجابت بأنها لا تعرف شيئا ولم تغادر الا بالحمام فصرخ بوجهها وانهال عليها بأقذر السباب وطلب منها احضار فني الكاميرات الي مكتبه حالا ... فأنكر الفني اي شئ وقال ان هناك عطل ما اصاب جميع الكاميرات بذلك الوقت .... استوعب مختار ان هاله وعماد لهم بالطبع يد بتلك السرقة فخرج من مكتبه مسرعااا وهاتف شركة الطيران لكي تحجز له تذكرة الي أي رحلة بعد ساعة او علي الاكثر ساعتين ..!!

@@@@@@@@@@@@

جهزت روعه نفسها علي مضض لاستقبال ذلك العريس المجهول وقررت انها ستراه فقط لارضاء والديها لا أكثر ...! جلست تحدث نفسها وقتا ليس بالقليل وتتوعد عريس ) الغفلة( كما أسمته هي حتي دخلت عليها والدتها واخبرتها ان العريس ووالدته وش*يقته يجل**ن بالخارج وعليها ان

تخرج بعد عدة دقائق لتقدم لهم ضيافتهم كما هي التقاليد المتعارف عليها .. فهزت رأسها بالموافقة وخرجت في. التوقيت واقتربت حتي تقدم لوالدته العصير بخجل شديد ووصلت لش*يقته فجحظت عيناها عندما وجدتها جنه فغمزت لها جنه بعينها .. فحولت نظرها بسرعة الي العريس بطريقة كوميدية مضحكة وقلبها ينبض بسرعة ) يا الهي انه هو هشام (

@@@@@@@@@@@

وقف مختار بالمطار ينتظر ان يختم جواز سفره ولكن الضابط رفضه وقال برسمية: سيادتك مطلوب القبض عليك وم***ع م السفر وتم القبض عليه وحبس علي ذمة اكثر من قضية ..!!! جلست دينا امام ياسين بتوتر شديد في انتظار دخول مصطفي للتحقيق معه ؛ تتشابك بداخلها مجموعة من اصعب الاحاسيس ) غضب .. كره ..

حزن ..انتقام .. (

فهتف ياسين ليخفف من حدة توترها : انتي اكيد عارفه ان مش أي حد بيحضر التحقيقات اللي من النوع دا او من أي نوع ... بس انا شوفت ان دي حاجه ممكن تهدي نارك ولو جزء بسيط منها ...

بالتأكيد انها حجة واهية ولكنه شعر باحتياجه لرؤيتها والجلوس معها وانها أصبحت مسئولة منه يريد ان يمد لها يده وقلبه استفزه اخلاصها وبراءتها وحبها لشخص غادر الحياة تملكت منه الغيرة لأنه لم يشعر بتلك المشاعر النبيلة من قبل فتحدي نفسه ان يحصل عليها وان يكون له نصيب من جمال قلبها .......

اجابته بتساؤل : انا مش فاهمه ايه السبب اللي يخلي حضرتك تخليني احضر التحقيق ؟؟؟؟ بس كل اللي اعرفه ان انا لازم حقيقي اشكرررك ..!!!