He sleeps peacefully as I sat on the settee not far from my bed. Masakit pa ang ulo ko ngunit naaalala ko ang mga nangyari sa amin. Sandaling sandali lang ang naging tulog ko. Matapos maalimpungatan, hindi na ako nakatulog muli. Sa halip, pinagmasdan ko na lang siya na mahimbing ang tulog sa ibabaw ng kama ko.
Payapang nakapikit si Linus. Nakaawang ang mapupulang labi at humihilik ng mahina. Bakas ang pagod sa mukha niya kahit natutulog. Dahilan na rin siguro nang wala siyang tulog bago lumipad pabalik nang Pilipinas. Hindi ko inasahan na uuwi siya. Alam kong nabanggit niya sa akin iyon subalit hindi ko inasahan na gagawin niya dahil sobrang layo ng Italy mula rito.
Tinitigan ko siya habang natutulog. Wala siyang kahit anong pagkakahawig kay Mommy. Hindi rin ako nakakaramdam ng ilang sa
