"Linus, hindi tama ang ginawa natin."
Patuloy siya sa pagsunod sa akin. Inisip niyang nakikipagbalikan na ako sa kanya dahil pumayag ako sa nangyari sa amin sa opisina niya at sa spa. Nalaman niya rin na hindi ko boyfriend si Liam. Pagkatapos namin sa spa ay sa opisina kami dumiretso dahil kinailangan siya. Habang nasa meeting siya'y nauna na akong umuwi at nagpadala na lang ng mensahe na bukas na lang kami mag-usap. Kaya heto siya ngayon at kinukulit ako.
"I told you already she's not my girlfriend!"
Huminga ako ng malalim at sa exit dumaan para walang makakita sa sarili niyang kompanya na sinusundan niya ako. Kung hindi sinabi sa akin ni Blair iyon siguro'y naniwala na ako sa kanya. Siyempre, kahit hindi totoo ay sasabihin niya ito para bumalik ako sa kanya at kapag nakita niyang maha
