HALOS mangatog ang mga tuhod ko nang tumapak ako sa Bautista Towers. First time kong makarating sa lugar na ito. Kung hindi ko lang kailangang gawin ito, hinding-hindi sana ako pupunta rito.
Natuwa ako kahapon nang tawagan ako ni Levi at sabihing pumayag ang papa ni Phoenix na kausapin ako. Ngunit bigla rin akong kinabahan nang sabihin niyang dito sa Bautista Towers kami mag-uusap. Pinili pa talaga ng matanda ang sarili niyang teritoryo. Magpapasama sana ako kay Lian ngunit hindi siya available. Ngayong linggong ito ang final exam niya kaya hindi siya maaaring um-absent sa klase. Wala akong nagawa kung hindi pumunta rito na mag-isa.
Heto nga at abot-abot ang kabang nararamdaman ko. Pagpasok ko sa building, agad kong nilapitan ang receptionist.
“Good morning, Ma’am! May I help you?”
“Go
