Tatlong araw ang lumipas pero hindi pa rin natuloy ang pagkikita sana ni Dianne at Roger. Madalas na lang si Dianne sa bar at libre raw ni Roger ang lahat ng kailangan niya. Ang saya-saya ni Dianne dahil ang suwerte niya. Ngayon niya lang naranasan ang ganito. Kaya, hindi na muna rin siya nakipagkita kay Jules. Manigas siya sa kahihintay kung kailan siya puwede!
Bumalik na rin ang normal na panlasa niya at amoy kaya maramihan siya kung umorder ng pagkain at alak.
Ikatlong araw na niya at sabi ni Roger, hintayin daw siya dahil makakapunta na raw ito ngayon.
Medyo tipsy na siya ng maramdamang nagba-vibrate ang cellphone na nasa lamesa. Kasalukuyan siyang nasa VIP room na kadalasang inookupa ni Roger. Pinasingkit niya ang mga mata para maaninag kung sino ang tumatawag. Malabo na kasi ang p
