SA PAGMULAT ng mga mata ko, puro puting kulay ang nakikita ko. Napasimangot pa ako dahil sa naaamoy ko na kakaiba. Ang sama nang amoy na para bang may nasusunog na something. Iyong something na iyon ay parang kanin na tutong na sa ibabaw o kulay itim na sa sobrang sunog.
“Gising ka na Ate?” boses iyon ng kapatid ko.
Gulat akong napabangon at tinignan siyang mabuti. Totoo nga na nakikita ko ang kapatid ko, tinignan ko pa ang paligid ko. Nasa kuwarto ko lang ako, at ang puting nakikita ko ay kulay nang kisame ko. Tapos ito na naman ang masang-sang na amoy ang naamoy ko kanina nang magising ako.
Napakurap-kurap ako ng mga mata ko, ano ba ang iniisip ko kanina? Bakit natutulog ako ngayon? Paano ako napunta sa kuwarto ko? Pero ano ang naaamoy ko na iyon?
“Ano ba iyong mabaho na naaamoy k
