Pagsasalin
lona/canvas
❣︎ URSULA/2030 ❣︎
"Good morning," sabay-sabay na bati at yuko ng mga binibining naka-uniporme at may dalawang linya. Sa sobrang dami nila ay hindi ko na kinaya pang sila ay bilangin. May mga kasambahay kami, ngunit hindi ganito kadami.
"Good morning, Sir Zeb, Ma'am Zebe at Ma'am?" bati ng isang ginang at tiningnan ako na may mga matang nagtatanong.
"Everyone, this is Yura," sigaw ni Zebe, hindi naman kalakasan, ngunit sapat na para marinig ng lahat, "Zeb's girlfriend."
Nakita kong umangat ang ulo ng mga binibini galing sa pagkakayuko, nakita ko rin ang pagkagulat sa mukha ng ginang. Ano ba ang sinabi ni Zebe, para magulat sila nang ganito?
Baka hinihintay nilang batiin ko sila?
Huminga ako ng malalim bago nagsalita, "Ikinagagalak ko po ang makilala kayo."
