KATATAPOS LANG maligo ni Euna. Alas tres na ng hapon kaya naisipan nyang dalhan ng meryenda si Ivo. Masaya ang kanyang pakiramdam lalo na ngayon na sila na ng binata. Napansin din nya na mas naging sweet ito sa kanya ngayon.
"Ang ganda naman ngiti ng anak ko," wika ng mama nya habang inaayos ang pangdalawahang tao na pagkain sa tray.
"Mama talaga," aniya saka napayuko. Hindi naman nya itinago sa mga magulang ang estado ng relasyon nila ni Ivo. Masaya ang mga ito gaya ng mga magulang ng binata na talagang naging masaya sa desisyon nilang dalawa.
"Basta, anak. Masaya kami ng papa mo para sa iyo. Wala kaming hinangad kung hindi ang kasiyahan mo at ngayon na nakikita kong masaya ka kay Ivo, sobra kaming natutuwa para sa iyo." Hinawakan sya nito sa balikat. "Pero anak, alam mo kung ano ang
