NASA HARDIN SI Euna kasama si Ivo nang umagang iyon. Masama ang pakiramdam ng binata dahil bahagyang kumikirot ang ulo nito at wala pa itong tulog.
"May gusto ka bang kainin?" tanong ni Euna habang hawak nakaupo sa tabi ni Ivo.
Umiling ito. "Ayos na ako sa lugaw ni Tita Floor.
Ngumiti siya. "Kumusta ang ulo mo? Masakit pa ba?"
"Medyo," wika nito saka hinilig ang ulo sa kanyang balikat.
Tumingin sya sa kalangitan. Mapuno sa pwesto nila kaya kahit may araw, hindi mainit sa pakiramdam at presko ang hangin na dumadampi sa kanilang mga balat.
Gusto nya ito kausapin tungkol kay Maegan pero natatakot sya na baka muli na namang magbago ang mood nito at magalit na naman. Sa mga nakalipas na araw, nakuha na nya ang ugali nito. Madali mag-init ang ulo ni Ivo sa tuwing kakausapin ang mga bagay
