Gean’s pov
Tuwang-tuwa si Nanay Edna nang makita nito si Xavier na kasama ko. Nagawa kong madala si Xavier sa loob ng bahay nang hindi nakikita ng mga security guards. Hindi ko lang magawa na maitago kay Nanay Edna ang lahat dahil ito ang kasama ko sa bahay. Mabuti nalang at nagawa ni Nanay Edna na palabasin ng bahay ang mga katulong para maipasok ko si Xavier. Dumiretso kami sa silid ko at nakasunod si Nanay Edna sa amin. Niyakap nito nang mahigpit si Xavier. Si Tatay Juancho rin ay tuwang-tuwa nang makita si Xavier ganoon din ang aking mga kapatid na si Omar at Yael.
"Sabi ko na nga ba, buhay ka. Hindi ako naniniwalang may masamang nangyari sayo dahil malakas ang pakiramdam ko na ligtas ka. Hindi pahihintulan ng Diyos na may mangyaring masama sayo," ani pa ni Nanay Edna.
"Salamat po
