Xavier’s pov
ANG saya ng puso ni Xavier dahil kasama niya ngayon ang dalawang babaeng espesyal sa kanyang puso. Oo, galit ako sa aking ina pero nang yakapin niya ako kanina lahat ng hinanakit at galit ay naglaho. Pakiramdam ko ay nanghina ang aking katawan dahil sa mga yakap nito. Naramdaman ko rin ang pangulila ng ina ko at ang mga iyak nito ay tumagos sa aking puso. Akala ko ay tuluyan niya ng kinalimutan si Rafael lalo na at matagal na panahon na ang lumipas na hindi niya ako nakikita. Ibang-iba na rin ako----binago ko ang buong pagkatao ko para maitago ang sarili ko. Kanina habang umiiyak ito ay parang iiyak na rin ako. Muntikan ko nang makalimutan na hindi na pala ako si Rafael.
“Okay lang ba kay Tita Monica na nandito ako?” hindi ko mapigilang tanong kay Gean. Magkakasama kaming ku
