Wilson's pov
Nang malaman ko ang rason kung bakit ipapasara ni Rebecca ang buong ospital ay kaagad kong tinawagan si George upang sabihin sa kanya na darating si Gean.
"Sigurado ka ba diyan sa sinasabi mo? Baka mamaya ay puro kapalpakan na naman 'yan Wilson," sagot pa sa akin ni George sa kabilang linya.
"Hindi ako nagsisinungaling sayo...Totoo ang sinasabi ko na darating ngayon si Gean at sigurado akong kasama niya rin si Xavier. Pinapasara niya ang buong hospital ngayon at pinahahanda ang mga nurses at doktor dahil may mga sugatan daw silang kasama" wika ko pa kay George. Kahit na pinagbawalan ako ni Rebecca na sabihin ang tungkol sa pagdating ni Gean at ng mga kasamahan nito ay hindi ko pa rin ito sinunod. Malaki ang utang na loob ko kay George dahil kung wala ito ay wala rin ako. Is
