رومنسيات بنوته وظبوطه

في البدايه احب أعزي كل أم شهيد جيش وشرطه واحب اشكر كل فرد في الجيش وكل فرد في الشرطه احنا فعلا من غيركم ولا حاجه ربنا يحفظكم ويحميكم من كل شر،، انتم اولادنا واخواتنا وابائنا لكم مني كل الاحترام والتقدير القصة : رومانسيات بنوته وظبوطه الكاتبه: ابتسام محمود الحلقة الاولى ع السفره ام قاعده و تبص ل ابنها بغيظ مصطفى يعدل هدومه و يبص ليها و يقول بتأفف : ماما لو سمحتي مش عايز افطر داليا بعصبيه : مافيش حاجه اسمها مش عايز افطر مصطفى بضيق يرفع ايده اليمين ع شعره و الشمال في وسطه و يقول بتأفف: والله ماليش نفس افطر ، سيبيني انزل بقى هتأخر على المدرسه داليا بتحبط معنوياته عشان ياكل : طول ما انت مش بتاكل عمرك ما هتوصل للي انت عايزه. لازم تاكل ولازم تلعب رياضه اكتر من كده مصطفى يبصلها بضيق : والله عارف ، بس مش قادر اكل، ولو على الرياضه انا بحاول اعمل اللي اقدر عليه داليا تمسكه من ايده و تسحب عند مرايه و تقول بعصبيه : بص لنفسك كده، دا منظر واحد ينفع يبقى ظابط ده حتى ولا ينفع تبقى ظابط على نفسك ، مصطفى افهم انا بحبك وخايفه عليك تتصدم ويرفضوك في الكليه وزنك قليل اوي مع طولك ده كله مصطفي باس ايد مامته وقال و بنبرة حزن : والله فاهم يا ست الكل بس ادعيلى انتي وكل حاجه هتبقى تمام (مصطفي طوله 185 سم و وزنه 60 كيلو) نزل و فضل ماشي حاطط ايده في جيبه و مجموعة بنات كانوا وراه ميس : ما تكلميه بدل ما كل يوم تجبينا من الطريق ده و نقعد نستنى تحت الشجره لحد ما ينزل و نمشي وراه رهف بهيام : لا احسن ي**فني ميس بصتلها : ايه يا بت المياصه دي اتعدلي يا ماما داخلين ع المدرسه ضحى بهدوء : بس يا ميس متبرديش عليها ميس بضحك : انتو الاتنين هتشلوني ( تشاور ع رهف طب هي و بتحب و انتي عايمه مع التيار و هيمانه ليه ؟ ضحى : بمووت في العشاق ميس بغيظ تكب عليهم مايه و تجري ضحى و رهف جريو وراها رهف خبطت في مصطفى بصتله ثواني ميس رجعتلها لحقت الموقف و شدتها : سوري يا كابتن و اخدت رهف و مشيو ميس: من اولها هتفضحينا يالهوووي ع البنات اجمدى يا بت شويه رهف بهيام و صوت واطى : شوفتى بصلي ازاي يالهووي عيونه تسحر ضحى بتبصلها و مبتسمه ميس تض*ب كف ع كف : انتو فعلا هتشلوني و دخلو المدرسه الاعداديه بنات وهو دخل مدرسته الثانويه بنين قضى مصطفى اليوم في المدرسه لحد ما اليوم الدراسي خلص و هو خارج من المدرسة قابل نفس البنات وفيهم واحده بتعيط جامد، فضوله شده وراح لحد عندهم مصطفي بجديه : فيه ايه يا انسه، مالك؟ ضحى بتوتر: لا مافيش مصطفي بإحراج : انا اسف لو ضايقتكم ، بس لو فيه حاجه ممكن اعملها مش هتأخر محدش رد عليه مشى ميس بصوتها المسرسع : كابتن كابتن ثواني رهف وهي بتعيط تبصلها : بس يا ميس ميس تميل عليها : بس ليه؟ هو ممكن يساعدنا و تبقى فرصه نصاحبه و تغمزلها و تقوم تبصله مصطفى يقف مكانه و يبصلهم : اتفضلي قولي يا انسه ميس تتكلم بسرعه جدا : في واحد خ*ف السلسله بتاعت رهف وجري ودخل المدرسه بتاعت الثانوي مصطفى بقلق و يبص ل رهف : انتي كويسه ميس : اه الحمدلله مصطفى قرب ليهم : تعرفي توصفي شكله ضحى : انا اعرف شكله اووي مصطفي بجديه : اوصفيلي شكله ولابس ايه ضحى : هو طويل واسمر ولابس تيشرت بنك وبنطلون جينس فاتح مقطع ميس تبتسم ل ضحى و تصفرلها : اووووو كل ده عرفتيه من بصه واحده ، ده احنا شكلنا دايبين خالص ضحى ب**وف : انتي بتقولي ايه يا بارده و تض*بها ع كتفها ميس تبعد عنها و تضحك مصطفى بص ل رهف : هدخل اشوفه رهف بخوف عليه : كابتن انت هتعمل ايه؟ ، بلاش تكلم الاشكال ده خلاص منه لله مصطفى يرفع حاجبه و ابتسم : بلاش ليه؟ على فكره انا لاعب كونغ فو ميس بصت على جسمه : يا سبحان الله ،، مش باين خالص مصطفى بضحك : ميغركيش جسمي انا رفيع اه بس المهم العصب ، بس ادعيلي جسمي يتظبط ، هدخل اشوفه جوه وعموما المدرسه دلوقتي مش مليانه يعني هيبان بسرعه (دخل مصطفى المدرسه ) ميس تبص ل رهف و تقلدها بتريقه : كابتن انت هتعمل ايه ، بلاش تكلم الاشكال دى خلاص منه لله، هههه ايه يا قطه ما صدقتي الواد كلمك اتقلي يا بنتي رهف وشها احمر و تخفي **وفها تقوم تض*بها ع كتفها بهزار : تفتكري اخد باله من حاجه ميس بضحك : ده كان شويه و عصافير الحب جاتلك تطير قدام عينك و فوق راسك رهف ب**وف و تخبي وشها و تبتسم في المدرسه (مصطفى اول ما دخل شاف الولد و ماسك السلسلة في ايده) مصطفى قرب عليه و حط ايده ع كتف الشاب/ ازيك يا كابتن الولد بص لمصطفى وهو رافع حاجبه : اهلا مصطفى مسك السلسله : انا بشبه على السلسله دي الولد يشوح بأيده : عجباك اشتري مصطفى يرفع حاجبه اليمين : بس دي بتاعت اختي الولد يشدها من ايده : وانا مالي بتاعت اختك ولا امك هي مش معايا تبقى خلصانه مش عايز كلام كتير عايزها ادفع. مصطفى رفع ايده حركها ع دقنه و بصله بشراسه : ادفع كمان؟ الولد ببلطجه : ان شالله 100ج مصطفى يهز راسه و يرفع حاجبه اليمين :100 ج بس !!انت عارف دي بكام؟ الولد بيشوح : انا عايز 100 ج ماليش دعوه هي بكام مصطفى يقرب عليه : تمام و انا هخدها يعني هخدها ومن غير فلوس (الولد زق مصطفى في كتفه) مصطفى متحركش من مكانه و شد السلسله و ض*به بالدماغ الولد وقع اغم عليه مصطفى ميل عليه و قرب عند ودنه : عشان تمد ايدك على حاجه مش بتاعتك تاني و قام و سابه و طلع من المدرسه رايح ناحية البنات ضحى : بس الولا المز جاي علينا رهف تقف مكانها : شعري مظبوط؟ شكلي طيب ،، مبتردوش ليه ميس ضحكت عشان تسكت و تشاور ورا رهف رهف تبص وراها تت**ف : احمم مصطفى : على فكره ما فيش حد جوه رهف بحب : احسن انك مش لقيته مصطفى يرفع حاجبه اليمين : ليه يعني !! مش عايزه سلسلتك؟ رهف بدون وعي : احسن ما كان يحصل اي حاجه ميس بضحكه جزت ع سنانها وتخبطها رهف بتوتر و تحرك ايدها ع بعض : اقصد احمم يعني ، السلسله دى حاجه ممكن تتعوض على فكره مصطفى بضحك : ياترى ده اسمه خوف عليا ولا قلة ثقه فيا رهف بأحراج : طبعا عليك و تصلح كلامها بسرعه يعنى اقصد وانت شبه خلة السنان كده (وبتضحك ضحكة احراج و تبص ناحية البنات و بصوت واطي : بعك الدنيا صح ميس بنفس الضحكه اللى بتجز ع سنانها : ع الاخر يا بيبي مصطفى يحط ايده في جيبه : كده برده شبه خلة السنان ، يعني مش مصدقة اني بطل في الكونغ فو رهف بضحك : لا لا لا لا لا خااالص ميس : انت بتتكلم جد ، انت ازاي بتلعب رياضه وجسمك رفيع اوووي؟ مصطفى يهرش في دقنه و يعوج شفايفه : وده بقى عشان مش بحب الاكل (و طلع السلسله من جيبه ) وعموما حلوه اووي البسها انا مادام مش واثقين فيا ميس تقف قدامه : ايه ده دي السلسله انت ازاي جبتها ومن غير نقطة دم حتى و تخبط اديها ع كتفه لا طلعت وحش مصطفى يرفع حاجبه اليمين و يمسك ايدها ينزلها : انتي تاني؟ انا هامشي رهف : لا استنى ، انت ازاي جبتها بجد مصطفى: انا ليا مهراتي . انا مصطفى و انتوا اسمكوا ايه؟ رهف : انا رهف ودي ميس ودي ضحى مصطفى بابتسامه : اهلا بيكم وفرصه سعيده اني قابلتكم ضحى تمد ايدها و بابتسامه : احنا اللي اسعد والله رهف بحب : والله اتشرفنا بمعرفتك ميس بابتسامه صفرا و تشد البنات: تبقى تخلينا نشوفك مصطفى: خلاص احنا بقينا اصحاب هنشوف بعض على طول يالا عايزين حاجه؟ رهف تزق ايد ميس و تبصله : تسلم مصطفى: سلام ميس بصوتها المسرسع : انت رايح فين خد هنا ، انت ض*بت عالسلسلة ولا ايه؟هات السلسلة يا عم انت رهف تخبطها مصطفى يبصلها و يضحك : هو محدش يعرف يطبق حاجة في البلد دي؟ ( رفع ايده قلعها و بص ل رهف ) اتفضلي يا ستي و خلي بالك على حاجتك بعد كدة رهف مدت ايدها اخدتها بهيام و غمضت عينها و قفلت ايدها عليها جامد ( وهو مشي ) ميس تحط ايدها قدام عينها : يا هوووووو رهف تفتح عينها : ده انا مش هخلي بالي منها بس ده انا هحطها جوه قلبي و اقفل عليها كفايه انك لمستها ميس بصويت : عااااا هتشااال يا عالم منها (عدت ايام وبقى يكلمهم على طول ويوصلهم المدرسه ويروحو مع بعض) (يوم الامتحان بتاع مصطفى رهف اتصلت بمصطفى ) مصطفى: صباح الخير رهف: صباح النور انا قلت اكلمك قبل ما تدخل الامتحان مصطفي: بجد ميرسي ليكي ، ادعيلي بالله عليكي رهف : ربنا معاك باذن الله هو انت نفسك تبقى ايه صحيح مصطفى: انا نفسي ابقي ظابط رهف تضحك مصطفى بضيق : ممكن اعرف بتضحكي ليه؟ رهف بهزار : يا مصطفى دي مش محتاجه دعوه عشان كلية الشرطة بتاخد مجموع 60% بس المشكله انك عايز معجزه الهيه عشان جسمك ده (وتضحك) اصل انا بشوف الظباط دول طول وعرض وانت ما شاء الله طول من غير عرض مصطفى : ماشي يالمضه بس ادعيلي بقى اكل وانا هجيب العرض.ولا اقولك انتي كوليلي يا طفسه (ويضحك) رهف بهزار: هات انت بس الاكل وانا اكلك مصطفي : انا وصلت المدرسه ادعيلي يا رهف رهف: تدفع كام مصطفى بحده :رهف رهف بضحك : ايه مصطفى : اولا اسمها نعم هعلمك لحد امتى رهف بمشا**ه : وثانيا بقى مصطفى بهزار : اقفلي ومش عايز اسمع صوتك تاني رهف بسهوكه : اخس عليك يا حظابط كده اول ما تحلم بالبدله تمحيني من حياتك ماكنش العشم امال لما تلبسها هتعمل فيه ايه؟ مصطفى: انا عندي امتحان يالا سلام يا رهف ، ادعيلي بالله عليكي متناميش وتنسي رهف : تاني تاني ، ما انا قولتلك اللي فيها بس علي العموم هنام بعين والتانيه هخليها تدعيلك مش تقلك خالص (وتضحك) مصطفى: امشي يا لمضه سلام رهف بضحك : باااي (مصطفى خلص امتحان وكل يوم رهف تتصل بمصطفى ويكلمو بعض كتير) (في الفيلا بتاعت مصطفى يوم الشهاده) داليا : يا مصطفى اصحى في التلفزيون بيقولوا ان نتيجة الثانوية ظهرت قوم شوف على النت كده (مصطفى يقوم بسرعه من على السرير ومسك الفون لسه هيدخل على الموقع اتصلت رهف عليه) مصطفى رد : ثواني يا رهف هكلمك بعدين رهف بمشا**ه: استنى هنا رايح فين ياحظابط مصطفى: اصل الشهاده ظهرت وعايز... رهف قطعته : بقولك يا حظابط طب اقوله ايه تاني ده طب مبروووووك نجحت وجبت 91% مصطفى بفرحه : بجد ،، ميرسي ليكي اووي يا اجدع صاحبه رهف بضيق و تكلم نفسها صاحبه و ترد عليه من تحت الضرس : مب**ك يا احلي ظابط. مش انا قولتلك مش خايفه عليك من الشهاده المهم تاكل الاسبوعين دول يا وحش مصطفى : والله هحاول ، و ميرسي مره كمان تعبتك معايا رهف تمثل الزعل : هو ايه اللي ميرسي هو انا طالع عين اهلي من الفجر في الموقع لحد ما ظهرت وانت تقول ميرسي انا عايزه هديه حلوه اووي وخروجه كمان انا على فكره مش طماعه خالص وتغديني في اغلى مكان و بما انك مش بتحب الاكل انا هاكل اكلك كمان (وتضحك) مصطفى يبتسم : لا يا عمري مش طماعه خالص ، و كل اللي انتي عايزاه كمان عشان الخبر الحلو ده رهف تنحت : ايه قلت ايه ؟ايه؟ مصطفى : قلت اللي انتي عايزاه رهف : لالا قبل اللي انتي عايزاه قلت ايه؟ مصطفى باستغراب : مش طماعه رهف بضيق : ولا دي مصطفى : انتي هبله رسمي انا ماقلتش حاجه غير كده رهف بزعل : بجد مش قلت حاجه؟ مصطفى : طيب قولي انا قلت ايه؟ رهف بضيق: لا خلاص بس انا وداني تعبانه شويه مش تاخد في بالك خلاص باااي مصطفى: باااي (رهف كانت زعلانه انه قال يا عمري كده عادى من غير ما ياخد باله انه بيقولها) ياترى ايه اللي هيحصل بين مصطفى ورهف؟ وياترى مصطفى هيتقبل في كليه الشرطه وهو رفيع كده؟ توقعاتكم الحلقه الجايه؟