الفصل الرابع
1231 Words
الكاتبه ابتسام محمود الصيري
دخل مصطفى اول اختبار بتاع الوزن والطول ونجح ودخل باقي الاختبارات ونجح في كل حاجه وكان فرحان جداً
(اول ما وصل الفيلا)
داليا من اول ما دخل عليها مصطفى فرحت / مبروووك يا قلبي
مصطفى بابتسامه / وانتي عرفتي ازاي
داليا تحضنه بحب و حنان / من وشك طبعا مش شايف نفسك انت شويه وهتركب جناحات وطير هههه
مصطفى بفرحه / انا فرحان اووي
داليا / ربنا يسعدك دايما يا عمرى
مصطفى باس ايدها / منحرمش منك يا اجمل دوللى
داليا بابتسامه / هو اللى بيطير كده بيبقى لذيذ
مصطفى الموب بتاعه رن و قال بضحك / ما انا هطير فعلا( و سبها )
داليا تضحك بصوت / ههههه اه منك انت
رهف / الو
مصطفى يقلد طريقتها / الو الو
رهف / ايه الروقان ده كله زيدى يا زيدى ، اكيد نجحت
مصطفى بضحك / هو ده سؤال
رهف تمثل الزعل / يعني لو مش اتصلت انا انت مش تتصل، علي العموم شكراً
مصطفى/ لا والله انا كنت حالاً هكلمك
رهف سكتت ثواني وفضلت تفكر ازاي تعترف بحبها ليه اخدت نفس و قالت بتوتر/ مصطفى
مصطفى/ نعم
رهف سكتت و مباقتش عارفه تقول ايه /.....
مصطفى بهزار/ في ايه ؟! اوعى تكونى بتجربي الاسم اخر مره؟؟؟
رهف بتوتر وارتباك/ لا بس عايزه اقولك حاجه
مصطفى بهزار / قولي ، ولا اقولك متقوليش استنى افكر
رهف بعصبيه / لما تفكر كلمني سلام
مصطفى/ في ايه يا رهف انتي متغيره ليه كده ، انتي محتاجه تستأذني قولي علي طول
رهف حولت تقول بحبك مقدرتش
مصطفى / رهف مالك النهارده ، اتفضلى قولى
رهف افتكرت اللى اتقدملها جتلها فكره تعرف منها بيحبها ولا لاء بس بطريقه تاني و قالت بارتباك/ انا امممم اصل انا متقدملي عريس
مصطفى / اقسم بالله بتهزري ، انتى فعلا مجنونة ، كل ده عشان تقولى متقدملك عريس مبروك
رهف اتصدمت الكلمه نزلت عليها زي الصاعقه دموعها نزلت و قالت بصوت مرتعش / انت بتقول مبروك
مصطفى بالامباله / يعني هقول ايه لواحده متقدملها عريس
رهف تمسح دموعها / اه صحيح هتقول ايه
مصطفى بهزار / اوعي تكوني طمعانه اعملك عليه تحريااات ههههه
رهف تسيطر ع صوتها / لا ابداً انا بقولك بس
مصطفى / ياتري مين بقي اللي امه داعيه عليه
رهف قلبها اتقبض و وجعها و مبقتش قدره تسيطر ع صوتها ولا دموعها /.......
مصطفى/ يابت مين؟
رهف بصوت مبحوح و كله حزن/ لا اصلك مش تعرفه
مصطفى/ لازم تعرفيني عليه
رهف/ اه طبعاً
مصطفى باستغراب / مالك في ايه !! رهف مال صوتك ؟هو انتي بتعيطي؟
رهف تحاول تسيطر ع دموعها ترفع راسها و تحاول تظبط نفسها /......
مصطفى/ رهف انتي مش بتحبيه؟
رهف مسحت دموعها و تقول بعصبيه / انت ازاي اصلا بتسأل سؤال زي كده ، مصطفى
يالا سلام ، و اه علي فكره دي اخر مره اتصل بيك
مصطفى باستغراب / يا مجنونه انتي في ايه!!؟
رهف بحده وصوت عالي / انا اسمي رهف لو سمحت
مصطفى باستغراب/ هو في ايه !انتي مش رهف اللي اعرفها ، في ايه يا بنتى
رهف ترجع ل ضعفها و تقول بدموع/ اصلي بحبه اوووي وكان نفسي اقوله
مصطفى ببرود التلج / طيب ما تقوليله فيها ايه ده هيبقي خطيبك
رهف تقول بصوت مهزوز/ انت عندك حق اصل انا لازم اقوله انى بحبه، وعمري ما حبيت حد غيره وهفضل عمري كله بحبه مهما حصل هيفضل في قلبي بس كان نفسى يحس لواحده
مصطفى بمشا**ه / يا زيدي يا زيدي علي الحب ، ما اهوه اتقدم ليكى
(رهف انهارت من العياط ومش قدره ترد)
مصطفى/ والله مجنونه
رهف تحط ايدها ع شفايفها تكتم شهقتها / سلام
مصطفى ولا حس بيها وقال بالامباله / سلام يا مجنونه قصدي يا رهف
رهف قفلت مع مصطفى واتصلت بميس/ ميس الحقيني
ميس بقلق/ في ايه مالك
(رهف اتكلمت كتير لكن ولا كلمه مفهومه)
ميس فضلت تغير هدومها و هي بتكلمها / حبيبتي متقلقنيش عليكي انا جايه اهدي
رهف بحزن/ قلبي بيوجعني اوووي وبموت
ميس دموعها نزلت ع صحبتها / اهدي انا في الطريق
(رهف قفلت الموب و فضلت تعيط و صوت شهقتها عالى ومش قدره تاخد حتي نفسها)
دخلت مامتها بخضه / في ايه يا رهف بتعيطي كده ليه ؟ مش باباكي قالك خلاص هيرفضه
رهف بضعف و صوت م**ور/ ماما انا موافقه
مامتها / ازاي وانتي عامله في نفسك كده!!
رهف بعصبيه / خلاص يا ماما انا موافقه
ميس وصلت ودخلت لرهف / في ايه؟
مامت رهف/ والله ما انا عارفه حاجه
ميس/ طيب ارتاحي انتي ياطنط وانا هتكلم معاها
(رهف رمت نفسها في حضن ميس وانهارت اكتر)
ميس بدمووع / في ايه يا رهف طمنيني
رهف بصوت مرتعش / مصطفى مش بيحبني ولا عايزني ولا عمره فكر فيا، كل الوهم ده انا اللى كنت بضحك علي نفسي بيه
ميس بضيق/ ازاي ده بيكلمك باستمرار وبيحب يتكلم معاكي
رهف/ بس يا ميس مش قادره قلبي وجعني وجع . هو ازاي كل الوقت ده مش حس بيا
ميس اخدتها في حضنها / اهدي يا رهف
رهف/ اهدى ازاي حب عمري مش حاسس بيا وتقولي اهدي مش هشوفه تاني ولا هسمع صوته وتقوليلي اهدي
ميس/ بالله عليكي متعمليش في نفسك كده
رهف مسحت دموعها فعلاً انا اللي غلطانه اني حبيت واحد مش عنده حتى ريحة المشاعر. وعلى فكره انا وافقت على عمر
ميس شهقت و برقة عينها / انتي مجنونه فعلا ، انتي مش بتحبي عمر وانتي لسه صغيره انك توافقي علي اي حد ركزي في دراستك
رهف بلا امل / خلاص يا ميس انا وافقت عليه ( وعيطت جامد)
ميس بعصبيه / عاجبك نفسك كده حرااام عليكي
رهف / اهم شيء هو مبسوط
ميس/ طيب اهدي عشان خاطري انا
رهف/ ميس خلاص انا كويسه وبتمسح دموعها خلاص امشي انتي عشان مش تتأخري
ميس/ انا مش عارفه اقولك ايه ومسحت دموع رهف وباستها خلي بالك من نفسك
رهف / هزت راسها بالموافقه
(مشيت ميس)
( مصطفى بيحضر حاجته للكليه وفرحان جدا)
( رهف بتحضر للخطوبه وبتموت من جواها
مصطفى حاول يكلم رهف كتير وهي مبتردش عليه )
مصطفي راح الكلية
رهف اتخطبت
(مصطفى كان في الكليه كان تعبان جدا عنده تمارين كل يوم وجري خمسه كيلو في١٩دقيقه
بالبياده وافرول وكان بيعمل ضغط ده غير التمرين بتاعت الض*ب بالنار وتمرين تاني كتير)
في الطابور واحد بينادي علي مصطفى بصوت واطي/ مصطفى
مصطفى واقف ثابت/.....
صاحبه/ مصطفى
مصطفى/...
صاحبه/ الحقني يا مصطفى هقع من طولي
مصطفى / لف وشه وبص لاصاحبه
(صاحبه ضحك من تحت لتحت)
ومصطفى القائد شافه وعاقبه عشان اتحرك في الطابور عمله لفت نظر
مصطفى بعد ما الطابور خلص كان زعلان
صاحبه بضحك / في ايه ما خلاص روق كده هههه
مصطفى بضيق / تصدق انك بارد تخليني ابص عليك واخد لفت نظر
صاحبه/ خلاص يا عم ده لفت نظر
مصطفى بعصبيه/ تصدق انك مش عندك دم، و لما انزل في التقدير هستفاد ايه انا
صاحبه/ يا عم خلاص انا اسف مش ههزر معاك تاني
مصطفى بعصبيه / طيب خلاص مش عايز كلام كتير
( وبعد فتره في الكليه نزل اول اجازه حس بحاجه نقصه كان طول الوقت زهقان و مضايق ، حاول يتصل برهف مردتش في الاول وبعد كده ردت
رهف بصوت حزين ومشتاق / الو
مصطفى بفرح / عاش من سمع صوتك
رهف بجديه / حضرتك عايز حاجه
مصطفى بوجع في قلبه / هو في ايه بالظبط ؟
رهف/ لا مافيش حضرتك اللي متصل
مصطفى بزعل / هو انتي مضايقه اني اتصلت؟
رهف بحده/ انت عايز حاجه
مصطفى كان فاكر انها كام يوم و ترجع تكلمه مكنش متوقع صاحبة عمره تبعد عنه / لا مش عايز حاجه ، رهف انتي بقيتي غريبه من ساعة ما اتخطبتي
رهف بدموع / فعلا انا غريبه عن كل حاجه حواليه
مصطفى/ في ايه انتي بتتكلمي كده ليه و ايه كمية الحزن اللى بقت في صوتك فين رهف صاحبتى المضه والمشا**ه
رهف وهي بتعيط/ لو سمحت مش تتصل بيا تاني
مصطفى قلبه وجعه من كلامها / انتي متأكده من اللي بتقوليه!
رهف انهارت ومش قدره تتكلم وقفلت السكه في وشه وحضنت الموب
ومصطفى مسح رقم رهف من على الموب
يا ترى هيحصل ايه؟؟
ياترى مصطفى فعلا مش بيحب رهف؟
#بوسي محمود
- Writer
