MABILIS na dinampot ni Zarina ang bag niya. Pati na din ang remote control key ng kotse niya na nakapatong sa ibabaw ng mesa. Saka nagmamadaling lumabas ng opisina ng shop niya.
Hinagilap niya ang kanyang assistant. Nang makita niya ito ay agad niya itong tinawag. “Jane, ikaw muna ang bahala sa shop. May pupuntahan ako,” sabi niya rito. Hindi na niya ito hinintay na sumagot. Sa halip ay nagsimula na siyang maglakad palabas ng shop niya.
Nakatanggap kasi si Zarina ng mensahe galing sa Mommy niya. Pumunta daw siya sa bahay nila dahil may emergency daw. Sinubukan niyang tawagan ang Mommy niya pero hindi nito sinasagot ang tawag niya. Bigla tuloy siyang nakaramdam ng kaba. Baka kasi may masamang nangyari sa Daddy niya. Lately kasi ay dumadaing ito na naninikip ang dibdib nito. Pina-check up
