“Hmp! Bwisit! Bwisit! Akala nyo kung sino kayong malinis! Wala kang alam! Wala!!!” “Crash!” Pagkatapos kong sabihin ang mga salitang iyon ay naiinis na ibinato ko ang isang malaking picture frame sa sahig. Hinihingal na ako sa matinding galit.
Nanggagalaiti ako sa mga masasakit na komento na nababasa ko mula sa social media. Dalawang araw na akong nagkukulong dito sa loob ng bahay ko. Gustuhin ko mang lumabas ay hindi ko magawa. Dahil ng lumabas ako kahapon ay halos patayin ako ng mga hindi magandang salita mula sa mga taong nakapanood ng kumalat na video.
Wala na akong mukhang maihaharap sa lahat dahil sa matinding kahihiyan. Nakakapanlumo at nakakawala ng ganang mabuhay. Subalit wala akong magawa kundi ang manood na lang kung paanong babuyin at bastusin ng mga tao ang pagkatao ko. As
