“Naudlot ang pagpirma ko sa isang dokumento ng magsimulang manginig kam ko. Nabitawan ko ang hawak kong ballpen at itinaas mga kamay ko. Mula sa ere ay mataman kong pinagmasdan ang mga daliri ko.
Napalunok ako ng wala sa oras ng mas lalong lumalakas ang panginginig ng mga ito. Natataranta na kinuha ko ang aking bag at mabilis na hinalungkat ang loob nito.
Halos magtalsikan ang mga bagay na mahawakan ng kamay ko, dahil ngayon ay hindi lang ang mga kamay ko ang nanginginig, maging ang mga labi ko ay nangangatal na rin. Mula sa ilalim ng bag ay nakuha ko ang isang maliit na botelya. Nagmamadali na binuksan ito at tinaktak sa aking kamay ang laman nitong mga tableta. Nahulog pa nga sa sahig ang ilan sa mga ito. Hindi ko na binilang ang tableta na nasa kamay ko at basta na lang ito isinubo
