Make Out
“Mabuti at nakauwi kayo ng matiwasay, Hija,” maligayang sambit ni Manang Eula habang tinitimplahan ako ng gatas.
Hindi mawala ang ngiti sa labi ko nang magising ako. Hindi pa rin kasi ako makapaniwala na sasaya ako ulit. Na mararamdaman ko ulit ang ganito.
“Hija, maganda yata ang panaginip mo at malaki ang ngiti mo ngayon. Pareho kayo ni Brent. Ang aga yata nagising ng batang ‘yon. May hindi ba kayo sinasabi sa akin?” may pagdududa sa tanong ni Manang Eula.
Inilapag niya ang mug sa harapan ko at tiningnan ako. Kinagat ko ang aking labi at umiling agad.
“Sus, sinungaling! Tingin ko ay may magandang nangyari habang nasa bakasyon kayo. Sus! Tinatago niyo pa sa ‘kin! Sa ngiti pa lang ng alaga ko, alam ko na.” Umiiling si Manang Eula ngunit may ngiti na sa labi na parang alam na n
