Wanna Be
Ilang buwan na ang nakalipas simula nang naging kami. Ang masasabi ko lang na ang saya-saya ko at ngayon lang ako nakaramdam ng kontento sa buong buhay ko. Minsan, namamasyal kami sa ibang lugar at pinapakita niya sa ‘kin ang ibang destinasyon na hindi ko pa napuntahan. Kahit may takot pa rin sa akin na baka may makakilala sa akin o may makakita. Naging kampante ako nang dahil kay Brent. Siniguro niya sa ‘kin na hinding-hindi ako makukuha ni Gregory at ng Daddy ko.
“Does it hurt?” may pag-alala sa tanong ni Brent habang hawak-hawak niya ang kamay ko. Dinig na dinig ko ang kanyang malalim na hininga.
Dinatnan kasi ako at sobrang sakit ng puson ko. Binilhan niya ako ng napkin at pain reliever.
“Masakit…” At pumikit ako. Hindi ko maiwasan ang sabihin iyon sa kanya dahil parang b
