Enjoy
Ngayon ay ang unang araw namin bilang magkasintahan. Hindi ko pa rin ma-imagine na siya ay boyfriend ko na. Hindi pa rin ako makapaniwala hanggang ngayon na sinagot ko na siya nang walang pag-alinlangan. Hindi rin ako makapaniwala na wala ng puwang sa puso ko si Gregory.
Hawak-hawak ni Brent ang kamay ko habang nag-aagahan kami sa may lamesa, malapit lamang sa may pool area. Hindi ko maiwasan ang mamulahan ng husto lalo na’t kay aga-aga ay may pabulaklak siya sa akin.
“Kinikilig ka ba?” nang-aasar na tanong niya.
Tumindig ang balahibo ko sa tanong niya. Nasa pagkain lang ang tingin ko at tanging isang kamay ko lang ang gamit ko kasi hindi niya binibitiwan ang kaliwang kamay ko. Sumimsim siya sa kanyang kape habang ako ay kumakain ng almusal. Nasa gilid naman ng pinggan ko ang tat
