(William's POV)
Mabilis kong inayos ang mga gamit ko. Nagcheck din ako sa status ng investments ko at habang ginagawa ko iyon ay nag-ring ang phone ko. Nakita ko sa screen ng phone ko na si Clarisse ang tumatawag sa akin kaya napangiti ako. Pero nang sagutin ko na ang tawag niya ay bigla naman niya iyong in-end call. Weird.
Naisip ko na lang na baka may gusto sana siyang ipabili sa akin pero nagbago bigla ang isip niya.
Napangiti na lang ako at makalipas ang lampas isang oras ay lumabas na ako sa condo ko bitbit ang mga gamit ko.
Sumakay ako sa kotse ko at masaya akong nagdrive papunta sa condo ng darling ko.
Excited pa akong pumasok sa condo niya pero kaagad akong napakunot-noo dahil napakatahimik sa loob. Bukod doon ay naka-off ang mga ilaw sa kusina at nakasara ang window curtains.
