سحر الحب

انا اسمى ريم البنت الوحيده لبابايا وطول عمرى عايشه معاه وبيخاف عليا من الهوا الطاير لكنه بيخاف يطلعنى حتى من البيت كل احلامى بسيطه زى اى بنت وهى انى بعد متخرج من كليه الهندسه اشتغل فى شركه محترمه وبعدين بعدها اقابل شريك حياتى الوحيد الى هيخ*ف قلبى واول شركه اختارتها هى شركه معروفه جدا اليوم ده جهزت ولبست كويس وروحت على المعاد بالظبط قعدت قدام شاب حلو جدا هو : اتفضلى انا بأبتسامه : شكرا لحضرتك سليم : ليه اخترتى شركتنا احنا بالذات؟ ممكن اعرف ! وبعدين انتى لسا حديثه التخرج واعتقد كمان انك عارفه اننا مش بنقبل اى حد حديث التخرج عندنا هنا ريم : طيب ليه لما قدمت السى فى اتصلتوا بيا وقلتو لى تعالى اعملى معانا المقا**ه طالما انتم مش بتقبلوا اى حد حديث تخرج بقا كدا سليم : شكلها غلطه من الشخص الى بيقبل السى فى هات بس خلاص انتى جيتى يعنى فا هتضطر انى اعمل معاكى المقا**ه ريم بصيت فى عينيه فى اللحظه دى و بعدين راحت قيلا له ريم : حضرتك يا بشمهندس مش مُجبر خالص انك تعمل معايا انترفيوا لو انت مش حابب ده طبعا انا اقدر امشى واصدق كمان انكم متصلتوش بيا وانه كمان مفيش اى حاجه حصلت سليم وهو بيهز راسه : لا ... لا انا اسف يبشمهندسه مفيش مشكله والأنترفيو هيتعمل ريم حطيت ايديها على المكتب وبعدين بصيت لى سليم تانى وراحت قيلا له ريم : تمام معنديش مشكله يا بشمهندس اتفضل ابدء الأنترفيو ولعلمك انا عاوزه بس اقولك حاجه يا ريت حضرتك تعرفها يبشمهندس وهى ان حديث التخرج ده اه لسا متخرج ولا يملك اى خبره ولكنه مع ذالك شخص طموح جدا ولسا بيبدء حياته وحابب جدا انه يثبت نفسه وده طبعا على ع** تماما الشخص ذو الخبره الى ضمن مكانه فى شركتك والى ممكن يسيبها فى اى وقت لانه لقا شركه تانيه اعلى واحلى منها حتى لو كانت الشركه دى عدوه ليك الشخص ذو الخبره بيجرى ورا الفلوس ومش ورا مصلحه الشركه سليم : لكن حديث التخرج بيجرى ورا انه يكتسب خبره ويثبت نفسه مش ورا الفلوس عاوزه تقولى كدا يا بشمهندسه ؟ ريم : اه عاوزه اقول كدا بالظبط وفى اللحظه دى سليم بص على المكتب وكان محطوط استقاله بشمهندس كان شغال معاهم وفعلا قدم استقالته علشان يروح يشتغل فى اكبر شركه فى مصر وهى الشركه العدوه ليهم سليم : طيب يبشمهندسه نبدء فى تانى سؤال احنا فى التانى صح كدا ؟ ريم : لاء انا لسا مجاوبتش على الاول اصلا سليم : لاء جاوبتى ريم : لاء انا جاوبت يبشمهندس بس لسا اجابتى مكملتهاش سليم : طيب اتفضلى يبشمهندسه كملى اجابه بقيت السؤال ريم : انا اخترت الشركه بتاعتكم يبشمهندس بالذات علشان انا كان حلمى انى اشتغل فى الشركه دى وكنت حطاها هدف قدامى ودالوقتى تحقيقه فى ايد حضرتك يعنى متوقف على الكلمه الى حضرتك هتقولهالى دالوقت حالا ... وخليك فاكر كويس انى خريج وجاى يثبت نفسه عندكم ومش بيجرى ورا الماديات ابدا كل حلمه زى المثل ما بيقول كدا وظيفه ميرى يا بشمهندس وبسكدا سليم بأبتسامه : اول مره احس انى ممكن احقق لحد حلمه تخيلى انى عملت انترفيو مع ناس كتير وعمرى محسيت انى لو قبلت واحد فيهم معنى كدا انى حققتله الحلم بتاعه ريم بضحك : عادى جدا يبشمهندس ان حضروك متحسش الأحساس ده وده لأن ممكن يكون الشخص الى بيعمل مع حضرتك الأنترفيو مش حلمه اصلا انه يشتغل هنا وحلمه مثلا أنه يتجوز البنت الى بيحبها فمبانش قدامك ان هو متمسك بحلمه وعلشان كدا انت محسيتش الأحساس ده وطبعا الكلام ده معناه سليم : ان ده حلمك وانك متمسكه بيه وان انا بس الوحيد الى اقدر احققهولك صح ريم بضحك : اه لو حضرتك محققتهوش على فكره هخربشلك العربيه بتاعتك وانا خارجه .. سليم بضحك : إلا العربيه دا لسا عليها اقساط بصى انا حابب فيكى ثقتك فى نفسك وبتفكرنى بنفسى وانا ادك كدا فعلشان كدا اعتبرى نفسك من دالوقتى واحده من التيم بتاعنا ريم بفرحه : انت بتتكلم بجد ؟ سليم بصيلها باستغراب ريم : قصدى حضرتك بتتكلم بجد .. يعنى انت بحد هشتغل عندكم هنا ؟ سليم بأبتسامه من رده فعلها : اه بتكلم بجد ريم : طيب احلف كدا سليم : والله بقيتى موظفه عندنا فى الشركه فى اللحظه دى ريم قامت من على الكرسى وكان هاين عليها تحضنه من كتر فرحتها ريم : طيب هبدأ شغل من امتا ؟ سليم : زى متحبى من دالوقتى او من اول اليوم بكره الى انتى حباه ريم بفرحه : طيب هروح احتفل واجى بكره ان شاء الله ومدت ايديها تسلم عليه وقالتله متشكره يا بشمهندس وراحت ساكته لأنها لسا متعرفش اسمه وسليم مديلها ايديه وكان فيها الدبله وريم لاحظت ده سليم : بشمهندس سليم يبشمهندسه ريم ريم خرجت من عنده وركبت الأسانسر ونزلت ركبت عربيتها وروحت وأول مدخلت من باب الفيله بتاعتهم بصريخ يبااابا يماااما انا اتوظفت فى شركه Gs العالميه باباها : الف مب**ك يحبيبتى ريم : مش انا قولتلك انى مش محتاجاك تشوفلى واسطه وأنى أدها مامتها اخدتها بالحضن وقالتلها انا بنتى اد كل حاجه بتعملها تانى يوم فى الشركه ريم لبست وجهزت وراحت الشركه واستلمت شغلها شيماء : اهلا بيكى ياا .. اسمك ايه صحيح يقلبى ريم : اسمى ريم يقمر شيماء : اهلا بيكى يا ريم والله انا حاسه اننا هنكون صحاب ريم : طيب والله يا ريت شيماء : ايه رأيك بعد متخلصى الشغل الى معاكى واحنا مروحين نقعد فى كافيه وندردش شويا انا حبيتك والله ريم : معنديش اى مشكله يشوشو شيماء خلصت شغلها قبل ريم وراحت تقولها انها هتنزل تستناها تحت فى الكافيه الى قريب من الشركه لحد ما ريم تخلص شغلها وريم قالتلها تمام ريم خلصت شغلها بعد عشر دقايه واخدت شنطتها وراحت اتكيت على زرار الأسانسير ووقف قدامها وركبت فيه وبعدين بصيت لقيت سليم جه وركب سليم ركب معاها ومتكلمش وكان بيكلم واحده فى التليفون وبيقولها مش هتأخر ان شاء الله يا حبيبتى ريم : تلاقيه بيكلم خطيبته شكله متكبر دا حتى مسلم عليا وفى لحظه النور قطع وتليفون سليم الشبكه سقطت منه ريم بخضه : ايه ده النور قطع ؟ سليم : متخافيش هيجى دالوقتى على طول والمولدات هتشتغل بس فى الوقت ده المولدات الأحتياطيه كان فيها خلل ومحدش أخد باله بعد دقيقتين ريم : معلش هيشتغل امتا يبشمهندس ؟ سليم : دالوقت متخافيش ريم فتحت تليفونها بتتابع الوقت وبعد ربع ساعه لسه جايه تتكلم لقيت سليم بيقول فى ايه؟ هو ليه مشتغلش لحد دالوقت ريم فى اللحظه دى شالت الكوفيه من حوالين رقبتها ورميتها على الأرض وفتحت شنطتها علشان تدور على بخاخه الأ**جين وقلبت الشنطه وفضلت تدور فى الضلمه وهى حطه ايديها فى الشنطه على امل انها تلاقيها بس للأسف ملقيتهاش وراحت الشنطه واقعه من ايديها على الارض لما فقدت السيطره على ايديها وحست ان جسمها كله بينمل وايديها تلجت وحسيت ان مفيش هوا علشان تتنفسه وان خلاص روحها بتطلع وحتى ريقها مش عارفه انها تبلعه والعرق بدء يغرق جسمها كله فى اللحظه دى #يتبع مننساش الفولو ♥️ #سحر_الحب. #ساره_ محمد