البارت التالت

1193 Words

سليم : ممكن اسألك سؤال ريم : اكيد اتفضل سليم : انتى عندك عربيه ؟ ريم : اه عندى عربيه سليم سألها ازاى يعنى عندك عربيه وانتى لسا متخرجه ريم رديت عليه وقالتله عادى على فكره هو بابا جابهالى هديه تخرجى سليم : طيب انتى هتعرفى تسوقى وانتى تعبانه كدا ريم : مفيش حل تانى قدامى ربنا يستر بقا سليم : ممكن اوصلك لو مش هتقدرى تسوقى ريم رديت عليه وقالتله لا لا متشكره انا عارفه انى تعبتك معايا بس لعلمك دى اصابه عمل ريم قالتله كدا وضحكت انتم لازم تشوفوا حل فى الأسانسيرات دى او فى النور سليم : متخافيش ان شاء الله مش هتحصل تانى والى كان السبب هيترفد ريم : يترفد ليه بس يبشمهندس حرام كدا سليم : يترفد علشان خاطر انا الى بتحمل المسئوليه فى الأخر ريم فى الوقت ده قطعت كلامه وقالتله وقف هنا لو سمحت عربيتى الحمره دى سليم وقف قدام العربيه وبص عليها لحد مركبت ومكنش مصدق الى شايفه دى راكبه عربيه احسن واغلى من الى هو راكبها وبعدين طلع بعربيته على مروه خطيبته وأخد معاه جاتوه علشان ميدخلش ايده فاضيه وأول مخبط على الباب مروه خطيبته طلعت طرى فتحتله مروه بعصبيه : اتفضل يا بيه كل ده تأخير كُنت بتتسرمح فين ؟ كانت فارده شعرها ولابسه دفايه شتوى سليم كان عارف ان ده غلط ان خطيبته تطلع له ب*عرها وبميكب كامل بس علشان الحب عاميه كان بيعدى كل ده دخل سليم على طول واتعشا معاهم وروح بيته وأول مدخل من باب الشقه سمع صوت مامته بتقوله احضرىك العشا يا سليم يا حبيبى؟ سليم : لا يا ماما انا اتعشيت مامته بعصبيه : اكيد اتعشيت عند حبيبه القلب انا والله معرف هى عاجباك على ايه سليم : خلاص بقا يا ماما انا والله ما فايق مامته بخوف : مالك يا حبيبى سليم : ماليش يا ماما عاوز انام بس علشان عندى شغل الصبح ريم اول مروحت البيت باباها بخوف : اتأخرتى كدا ليه؟ ريم : والله يبابا غصبن عنى الكلام اخدنا حقك عليا باباها : طيب يالا علشان نتعشا مع بعض ريم : يالا يا بابا ريم حاولت متنينش اى حاجه وحاولت تدارى تعبها مع انها كانت تعبانه اووى واتعشت مع باباها وطلعت نامت تانى يوم فى الشغل ريم دخلت من باب الشركه وبعدين بصيت للأسانسير وراحت طالعه على السلم لحد موصلت للدور العشرين وهى بتنهج ومش قادره تاخد النفس كانت وقتها واقفه قدام الاسانسير وفجأه باب الأسانسير فتح وخرج سليم منه وأول مشافت سليم وهو بصيلها وعينيه جات فى عينيها مشيت بسرعه وراحت قعدت على مكتبها ولسا بتفتخ غطا ازازه الميا وهتشرب لقيت السكرتيره بتقولها بشمهندس سليم عاوزك فى مكتبه فحطيت ريم بسرعه ازازه الميا وراحت خبطت على باب المكتب سليم : ادخل ريم دخلت فى اللحظه دى وقالته تؤمرنى بحاحه ؟ سليم وهو باصص فى الأوراق اه عاوزك تروحى مكان هبعتلك الموقع على الواتساب عاوزك تشوفيهم شغالين ازاى وتتابعى هناك ريم : تمام يبشمهندس ونزلت ريم جرى من على السلم وركبت عربيتها وفتحت الواتساب وشافت الموقع الى سليم باعتهولها وأول موصلت هناك فضلت تتابع مع العمال ومكنش فى اكل هناك وكان الموقع بعيد وكانت نازله من غير متفطر حتى ريم بتكلم العمال وبتقولهم : هااا خلصتوا كدا النهارده عامل رد عليها وقالها : اه يبشمهنديه احنا كدا خلصنا النهارده وهنيحى نكمل بعد بكره ان شاء الله ريم : تمام هو انا ممكن اسألك سؤال؟ العامل : اتفضلى يبشمهندسه ريم : هو وانت شغال محستش ان العماره جايه بميل شويا؟ المهندس طيب الى كان متابع قبلى ملاحظش ؟ العامل : انا والله اول مره اسمع الكلام ده منك يبشمهندسه بس انا شايف العماره زى الفل ريم فى سرها : ما انا بردوا غلطانه انى بتكلم معاك وبعدين ريم طلعت فوق علشان تبص هما عاملوا اى وأول موصلت فى العماره عند الدور الأخير مقدرتش تاخد نفسها وبعدين قعدت على الأرض لثواني واخدت ظلطه من على الأرض و وقفتها بس كانت المفاجأه انها اتدحرجت مع الميل وبالطريقه دى ريم اتأكدت ان العماره دى جايه بميل ومش مظبوطه مسكت تليفونها بسرعه وفتحته علشان تتصل على سليم وتقوله بس مكنش فى شبكه ريم فضلت تتشعلق علشان تلاقى شبكه وطلعت فوق الطوب لحد محست بدوخه ووقعت مره واحده من فوق الطوب وفى اللحظه دى الدنيا فضلت تشتى بغزاره شديده وبابا فريده كان قاعد فى البيت وعمال يبص للساعه ويرن عليها وهى مبتردش والتليفون بيديله غير متاح اما سليم فكان مستنيها تقوله اى اخبار الشغل هناك ومسك تليفونه ورن عليها ولقا تليفونها غير متاح وبعدين اتصل برئيس العمال وسأله سليم : انتم خلصتم شغل ولا لسا العامل : اه خلصنا من ساعه يبشمهندس سليم : طيب البشمهندسه الى انا بعتهالكم روحت ؟ العامل : معرفش والله يبشمهندس علشان احنا روحنا وكانت عربيتها لسا تحت سليم : طيب مقالتلكش اى حاجه ؟ العامل : كانت عماله تقول ان العماره جايه بميل سليم : نعم ! جايه ب اى ؟ طيب اقفل سلام سلاام ورن سليم عليها تانى بس كان بيديله غير متاح سليم اخد بعضه ونزل ركب العربيه وطلع على الموقع مع ان الدنيا كانت بتشتى سيول لأن كلام العامل دايقه وأول نوصل قدام العماره لقا عربيتها موجوده تحت طلع تليفونه علشان يرن عليها وأول مفتحه بص لقا الشبكه راحت خالص فدخل العماره وبدء ينده عليها سليم : يبشمهندسه .. يبشمهندسه ريم وطلع الدور التانى وفضل ينده وبردوا مبتردش وبعدين طلع التالت وفضل ينده عليها ومبتردش سليم : الله اومال راحت فين ما عربيها تحت يا ربى الأرض انشقت وبلعتها يعنى ومع ان سليم كان رايح علشان يبص على العماره بس فى لحظه وصوله قدام العماره كان بيدور على ريم ومش على العيب الى فى العماره لحد ما سليم طلع لأخر دور وبيبص بردوا ملقاهاش دخل شويا لجوا وهو بيقول اتخ*فت دى ولا اى ؟ وبعدين شاف ايديها باينه من ورا الطوب قرب بسرعه وبص لقاها واقعه ورا الطوب ودماغها بتجيب دم والشتا مغرقها سليم بخوف : يا بشمهندسه وخبط على وشها وراح ماسك ايديها بسرعه وشايف النبض وبعدين راح شايلها بسرعه ونازل بيها تحت وفتح باب العربيه وحطها على الكرسى جنبه شعرها كان مبلول بميه الشتا وبالدم وفى اللحظه دى ريم حركت ايديها وحطيتها على راسها الى بتنزف سليم بصيلها بسرعه اول مشافها بتفوق سليم بخوف : ءانتى كويسه .. هاا ردى عليا ريم بتعب : دماغى اااه متسينيش وراحت ايديها واقعه غصبن عنها من على شعرها وسليم فى اللحظه دى مسك ايديها علشان يطمنها وقالها متخافيش ان شاء الله هتبقى كويسه وريم كانت فقدت الوعى تانى سليم بصيلها وشال شعرخا من على وشها وبدء يخبط على وسها فى محاوله منه انها تفوق تانى بس مفاقتش سليم بدء يسوق على اقصى سرعه عنده سليم اول موصل للمستشفى طلع جرى فتح باب العربيه وشالها ودخل المستسفى وهو شايلها وبيزعق ويقول دكتوووور محتاجين دكتووور حالاً . الدكتور جه بسرعه الدكتور : حطها على السرير وبدء يشيل شعرها ويشوفمكان الجرح وحجمه اد اى سليم حطها بسرعه على السرير الدكتور وهو بيفحصها سأل سليم الدكتور : ايه الى حصلها ؟ سليم : معرفش .. انا لنا وصلت لقيتها واقعه على الارض وفاقده الوعى وفى دم من راسها على وشها الدكتور : طيب بقالها اد اى على الحال ده ؟ سليم حوالى ساعتين او ساعه ونص الدكتور : جهزولى اوضه العمليات بسرعه وبص لسليم وقاله لو سمحت اطلع بره دالوقتى علشان اعرف اشوف شغلى وبص للمرضه وقالها : بسرررعه وفى اللحظه دى سليم خرج بره ووقف قدام اوضه العمليات وبص على ايديه لقاها متغرقه دم وعلى القميص الى هو لابسه ولقاه هو كمان متغرق دم سليم بخوف : استر يا رب #يتبع #سحر الحب #ساره محمد

Free reading for new users

Scan code to download app

App Store Google Play

Facebookexpand_more