سحر الحب

البارت الخامس

احمد : استنى بس يسليم لحد منطمن عليها ميصحش كدا

سليم : هو الراجل ابوها دا ماله ؟ دا مجنون دا ولا اى

احمد : عيب كدا يسليم

سليم بزعيق : اسكت يا عم دا فاكر انه هيشترينا بفلوسه وبعدين طالما هو مش عاجبه شغلها بيشغلها لييه

احمد فى اللحظه دى افتكر مروه خطيبت سليم وقال يفكره بيها علشان يلهيه عن الموضوع الى لسا حاصل ده

احمد : مروه خطيبتك رنت عليا

سليم بلهفه : وقالتلك اى ؟ وانت رديت عليها وقولتلها اى

احمد : انا كانسلت يا اخويا وانا مالى يا لمبى

سليم : احييه دا انا نسيتها خاالص

احمد : استلقى وعدك بقا يمعلم

وخرج احمد بسرعه بره المستشفى وراح عند عربيته وفتحها وطلع تليفونه الى ناسيه كالعاده ولقاها متصله خمس تالاف مره ومكنش عارف يقولها اى دا نساها خالص

فضل يرن عليها كتير وهى متردش وبعدين ركب العربيه وطلع على بيتها بسرعه وأول موصل عند باب العماره وركب الاسانسير وطلع لقاها بتفتح باب الشقه نده عليها يااا مروه ياامروه بس هى راحت متديره وبصاله وقافله الباب فى وشه وفى اللحظه دى سليم حس بأحراج بس مع ذالك راح ورن على الجرس وهو سامعها من جوا بتقول لمامتها

مروه : متفتحيش يا ماما

مامتها : ليه بس كدا يمروه انتم اتخانقتم والا اى يحبيبتى ؟

مروه بزعيق اكتر : متفتحليهوش يا ماما

وفى اللحظه دى خرجت مامه سليم وأخدته معاها جوا فى الشقه

مامه سليم : انا مش عارفه انت بتتذللها كدا ليه يا ابنى

سليم : نعم يا ماما عاوزه اى

مامه سليم : عاوزه مصلحتك يا روح ماما

سليم : وايه هى بقا مصلحتى ان شاء الله

مامه سليم : مصلحتك انك تسيب البت مروه دى .. انت مش شايفها متحكمه فيك ازاى يا ابنى يا حبيبى

سليم : لا مش شايف علشان بحبها انا بحبها يا ماماا

مامه سليم : ما هى مرايه الحب عاميه يا روح قلبى وانت دالوقتى بعد الشر يعنى اعمى وانا عينيك يا نن عيونى وبقولك ..امك عى الوحيده الى هتخاف على مصلحتك

وبعدين سليم بيبص لقا احمد بيرن عليه

احمد : انت روحت فين يا سليم

سليم : روحت يا احمد

احمد : طيب البنت فاقت تعالى قولها الف سلامه

سليم : ادلاء انا مش جاى

احمد بلوم : ليه كدا يا ابنى ؟

سليم : اهو مزاجى كدا .. ولا اقولك انا الصراحه مش قادر وهنام يالا سلام

احمد : يااا سليم ياا سليم وفى اللحظه دى الخط قطع

سليم دخل اوضته وفضل ينفخ وكان متنرفز من كل الى حصل وراح نايم

فى المستشفى

ريم بدءت تفتح عينيها

بايا ريم بلهفه وخوف ممزوجه بفرحه : حمدالله على السلامه يا روح قلبى .. حمدالله على السلامه يا حبيبتى يا حبيبه بابا

ريم بتعب : ااه .. ايه الى حصل يا بابا

رد عليها احمد وقالها

احمد : الاول الف سلامه عليكى

ريم بصوت مليان تعب : الله يسلمك

احمد : ايه الى حصل معاكى فى الموقع هناك ؟

بشمهندس سليم كان عاوز منك المعلومات الى طلبها عن الموقع ضرورى وبالصدفه لما راح الموقع يبص على حاجه انتى قولتيها للعامل لقاكى واقعه فوق وغرقانه فى دمك

ريم فى اللحظه دى حطت ايديها على راسها وبدءت تفتكر

ريم : انا مش فاكره اووى بس متهيقلى دوخت وبعدين وقعت ممكن

احمد : يعنى مفيش حد كان السبب فى الى حصل ده ؟

ريم : لا لا انا متأكده ان مفيش حد

احمد : تمام ..الف سلامه عليكى يبشمهندسه هستأذن انا

وبعدين بابا ريم بصيلها وراح معيط

ريم كانت كل راسها ملفوفه بشاش وكانوا شالو الدم ولكن المحاليل لسا متعلقه

ريم بحزن : خلاص بقا يا بابا انا اسفه والله

بابا ريم : كل ده بسبب دماغك الناشفه .. انا كام مره قولتلك متشتغليش

ريم : يبابا بقا انت عارف كويس انى لازم اعتمد على نفسى

بابا ريم بعصبيه : عاوز افهم انا تعتمدى على نفسك ليه وانتى متوفرلك كل حاجه بمعنى الكلمه اكل وشرب وبيت وخدامين وعربيات وسو**ين .. كل حاجه متوفرالك انا مش عارف انتى ليه بتعملى كدا بس

ريم : علشان انت مش هتعيشلى العمر كله يا باباا

عرفت ليه بقا ..

يابا ريم قام بسرعه فى اللحظه دى وراح واخدها بالحضن وفضلوا هما الاتنين يعيطوا شويا

بالليل بابا ريم روح علشان تعب من كتر القاعده وهو سنه كبير واتصل بالدادا علشان تيجى وتبات معاها

وهو مرضيش يمشى غير لما الدادا وصلت ووهو ماشى وصى عليها الدكتور والممرضين

وفى وسط هدء قبل الفجر الدادا كانت نامت وريم صحيت وبدءت تفتكر سليم لما كان بيفوقها وهى فتحت عينيها ومش فاكره هى قالتله ايه .. فضلت تفتكر وقلبها يدق بسرعه

وتانى يوم سليم نزل من غير ميفطر وقبل مامته حتى متصحا صلى الفجر ونزل بالعربيه وبدء يتمشى شويا على البحر وبعدين تليفونه رن بيبص لقاه احمد راح ماسك التليفون وفاصله وراميه فى العربيه لأنه مكنش حابب يتكلم مع حد وأول الشمس مطلعت لقا نفسه قدام اوضه ريم فى المستشفى حتى انه فتح الباب ودخل والدادا كانت نايمه بس ريم كانت صاحيه ومبتفكرش غير فيه وأول مدخل

ريم وهى قلبها بيدق بسرعه : سلييم !

سليم : عامله ايه دالوقت

ريم بعد مبلعت ريفها : انا تمام الحمدلله

سليم : ايه الى حصل معاكى هناك ؟

ريم بتهتهه : الى حصل معايااا

سليم : اه .. الى حصل معاكى هناك فى الموقع انا عاوز اعرف

ريم : متهيقلى دوخت ووقعت

وفى اللحظه دى ريم كانت متوقعه من سليم رد هادى ورد يطمنها على الاقل يقولها الف سلامه وخدى بالك لكن الى حصل كان الع** تماماً

سليم بزعيق صحا الدادا : مش ملاحظه يبشمهندسه ان المشاكل الى انتى بتسببيها كتيره من اول يوم جيتى فيه

ريم فى اللحظه دى الدموع رغرغت فى عينيها والدادا فتحت عينيها وصحيت

سليم بعصبيه وصوت عالى : يعنى كل المشاكل بتحصل بسببك انتى معنى كدا طبعاً ان المشاكل دى انتى المتسببه فيها

ريم : اناا .. انا مكنش قصدى اكيد وبعدين انت ازاى بتزعقلى كدا

وفضلت تعيط وبعدين الدادا سألته وقالتله بزعيق

الدادا : انت مين وازاى بتزعقلها كدا ؟

وفى اللحظه دى سليم فاق وخرج لكنه فاق بعد بعد مفجر البركان الى كان جواه وطلع كل حاجه فيها مع انه عارف كويس انها ملهاش ذنب وبعدين طلع على الشركه بسرعه وكانوا اول مره يشوفوه بالمنظر ده فى الشركه ولأول مره يبقا بالعصبيه الشديده دى

لدرجه ان احمد لما عرف انه متعصب اووى كدا طلع يجرى من مكتبه على مكتب سليم علشان يشوف ماله ويهديه وأول دخل من مكتب سليم ..

#يتبع

#سحر الحب

#ساره محمد