الحلقه 2

1410 Words

الحلقه 2 من كفاح عاشق بسم الله الرحمن الرحيم في شركة السويفي اسعد قاعد في مكتبه ، وبيراجع بعض الاوراق ، وفجأه الباب خبط ، واسعد سمح بالدخول عمر.... السلام عليكم يا اسعد بيه اسعد قام ببطئ... وعليكم السلام ورحمه الله وبركاته، تعالي ياعمر اتفضل، عمر دخل وهو مبتسم وقال.. . ايه يا اسعد بيه ، مالك مخضوض كده ليه ، متقلقش انا جاي في الخير والله اسعد اتن*د بارتياح... انا بقيت بخاف من مجيتك هنا يا عمر والله ، يلا الحمد لله ،، خير بقه يا سيدي، سمعني صوتك عمر ضحك... امممم ، شكلك فاهم انا هقول ايه اسعد ضحك جامد ، يعجبني ذكائك يا عمر، ايوه يا سيدي فاهم وموافق كمان علي اي حاجه تقولها عمر بحماس... خلاص حيث كده بقه ، احنا نقدم الفرح ليوم الخميس الجاي، وكده كده نغم مش عايزاني اغير حاجه قي الشقه يبقي ليه العطله بقه اسعد ضحك... مستعجل قوي كده ، عمر ...حضرتك مش متخيل يا اسعد بيه والله،، قول بقه انك موافق اسعد ...بص يا عمر انا طبعا كنت مقرر اني متدخلش في حياتكو خالص، وانتو احرار في قرارتكو . لكن بصراحه الخميس الجاي دي قريبه قوي، انت عارف ان فاضل اسبوع بس، ولا حجزنا قاعه ، ولا رتبنا امورنا،ولا ظبط شغلي، ولا انت كمان ظبط حساباتك ، انت من بعد المعرض تقريبا قافل الورشه ،، لا يا بطل عايزين شغل عمر بتفهم... بصراحه كل كلام حضرتك ليك حق فيه، بس ده برده ما يمنعش اننا هنقدر نلم الدنيا دي كلها في الاسبوع ده ، وهنقدر نظبط امورنا، وبصراحه انا مدى لنفسي اجازه فتره بعد تعبي في الورشه والمعرض،، زي فترة نقاهه كده ، ومش عايزها تضيع هباءا، عايز استغلها اني اتجوز واستقر ، وحضرتك عارف ان وجودي انا ونغم في حياة بعض دافع لينا للامام في كل حاجه ، ،، ها يا اسعد بيه،، ياريت توافق بقه ، اسعد ابتسم ... اممممم ، ماشي يا عمر، اعرض الموضوع علي جميله ونغم ونشوف الاراء ايه أن شاءالله عمر بحماس... تمام ، ايوه بقه ، انا هسبقك انا اعرض الموضوع عليهم ونتفق،، سلام يا اسعد بيه اسعد ضحك جامد ... سلام ياعمر،، والله فعلا مجانين، زي بعض، وسابه عمر وطلع علي فيلا السويفي -------، بقلم شيمو الخطيب في فيلا السويفي جميله فاعده بتقرافي مجله ،سمعت سعاد بتقول ، اتفضل يا استاذ عمر نورتنا والله جميله بصت وابتسمت وقالت،، اهلا يا حبيبي اتفضل تعالي ، عمر.. ازيك يا مدام جميله ،انا اسف اني جاي من غير معاد جميله.. والله عيب تقول كده ،ده انت ابني يا عمر نغم نازله جرى علي السلم،،، ايه ده عمر ،خير يا عمر ومكلمتنيش ليه قولتلي انك جاي جميله ابتسمت،، براحه بس يا نغم ،اهدي، تعالو نقعد وبعدين نبقي نسال براحتنا عمر قعد وقال.. بصراحه كده انا جاي اخد رايكم في حاجه ،وواثق انها هتعجبكم الاتنين بصو لبعض وقالو ،حاجةايه ياعمر عمر ،، انا عايز اتجوز نغم الخميس الجاي أن شاءالله،وقبل اي استفسار ،انا رحت واخدت راي اسعد بيه ،وهو وافق والموضوع متوقف علي موافقتكو انتو ،ها قولتو ايه نغم بفرحه ،،انا عن نفسي معنديش مانع جميله باستغراب،، انتو بتتكلمو بجد ،ازاي الخميس ده بسرعه جدا نغم،، يا مامي لسه قدامنا وقت ،وان شاء الله ربنا يعينا ونخلص كل التجهيزات ،وانا مش عايزه اي تجديد في الشقه ،يبقي ليه العطله بقه عمر بص لنغم بحب وقال،، ده اللي انا قولته بالظبط،وبعدين يا مدام جميله التجهيزات مش كتير ،وعلي راي نغم أن شاءالله ربنا هيعين ،ولا حضرتك صعبان عليكي فراق نغم حميله بصت يدموع ،،اكدب عليك لو قولتلك لا ،نغم دي اختي وبنتي وحبيبتي، لكن هقول ايه ربنا يسعدكم يارب ،ويتمم بخير نغم قربت منها وحضنتها وقالت.. ربنا يخليكي ليا يا مامي وميحرمنيش منك ابدا في اللحظه دي تليفون عمر رن برقم غريب ،وعمر رد الو ،السلام عليكم ريم بصوت حزين،،وعليكم السلام ياعمر ، وحشتني قوي عمر بص لنغم بلبخه وقال بصوت مهزوز ،ازيك ياريم ،طمنيني عليكي عامله ايه دلوقتي ريم بحب،، انا كويسه طول ما انت كويس ياعمر، انا متصله مخصوص عشان اباركلك علي جوازك ،انا عرفت من نور، بس حابه اطلب منك طلب عمر بتردد،،خير ياريم اتفضلي ريم،،عايزاك تسمحلي اني اطمن عليك من وقت للتاني، ياريت ياعمر متحرمنيش من كده عمر بص لنغم وقال،، اه اه طبعا،ده انتي اختي ياريم ريم ،،شكرا ليك ياعمر ، والف مب**ك مره تانيه ،وياريت تسلملي علي نغم ، وقفلت معاه وعمر باصص لنغم اللي هتنفجر من الغيره ،وحاسه انها هتولع في اللي حواليها عمر بضحك.. ياسعاد ،هاتي شويه ميه نطفي الحريقه اللي هنا دي جميله ضحكت جامد ، نغم بغيره،، والله ،انت كمان بتهزر ،ممكن افهم هيا متصله ليه عمر ضم نغم ليه وقال،، يا حبيبتي انتي واثقه انك انتي اللي في قلبي، وعارفه كمان ان ريم اخت ليا مش اكتر ،فبلاش بقه نكد وافورة علي الفاضي نغم بدلع.. انا بافور يا عمر ،ماشي الله يسامحك عمر قرب منها،، انتي بتافورى اه ،بس علي قلبي زي العسل جميله ،احم احم ،نحن هنا وضحكوا كلهم ،وقعد عمر اتغدي معاهم ،وقلوبهم مليانه بالفرحه __________، بقلم شيمو الخطيب في بيت الصاوي ايه.. بت يا تقي، متيجي نكلم البت نور نرخم عليها شويه تقي.. وتفتكري يافالحه ابيه امير هيسمح بكده ، ده احنا هنسمع كلمتين ملهمش اي لازمه وخلاص ايه بضيق.. علي رايك، ول**ن اخويا امير الصراحه ميتوصاش، تقي بضحك،، انتي هتقوليلي، عارفاه والله الجرس رن وتقي قامت تفتح وكانت ابتسام تقي.. حبيبتي يا طنط اتفضلي ابتسام.. عاملين ايه يابنات، وحشتيني والله ياتقي تقي،، الحمد لله يا طنط والله احلي حاجه عملتيها انك جيتي، ابتسام ،، وهو انا يابت بقيت اعرف اقعد من غيركو ،ده انا غديت خالك وجيت جرى ،،وبصت حواليها ،،امال فين عمر ايه،، خرج يا ماما بس مقالش رايح فين ،المهم كلمتي نور وامير ا نهارده ابتسام ،،ايوه كلمتهم ،دول بيحضروا الشنط وطالعين علي شرم ايه ،، اه يا ولاد المحظوظه ،يلا ربنا يسعدهم تقي بضحك ،،واضح جدا ان ربنا هيسعدهم بعد قرك ده ، وضحكوا كلهم ،وقعدوا مع بعض في جو كله حب ودفا وفجأه دخل عليهم عمر ونغم وهما في كامل فرحتهم ابتسام ، اهلا باحلي عرسان في الدنيا عمر .. وانا بقول النور اللي في شقتنا ده منين اكيد يعني مش من البت ايه ، ابتسام ضحكت،، والله ووحشني كلامك ياعمر ،عامل ايه يا حبيبي،، عمر ،،الحمد لله يا خالتي،، خالي عامل ايه ،هومجاش معاكي ولا ايه ابتسام ،،انت عارف خالك يموت في الشغل ،خصوصا مع عدم وجود امير كمان ،يلا الله يعينه نغم دخلت سلمت علي الكل وقالت،، ها ياعمر تحب اقول انا ولا تقول انت عمر أبتسم، ،، انا بقول نسيبهم بفضولهم ومنقولش اصلا نغم ضحكت وقالت،، انا بقول كده برده ردت تقي بغيظ،، لا والله ،متقولوا بقه فيه ايه ،فضولي هيموتني ايه ،ومين سمعك يا اوختي ابتسام ،وحياتك وانا كمان ،ها قولوا بسرعه عمر ،،خلاص خلاص،وابتسم وقال،، ان شاء الله فرحي انا ونغم الخميس الجاي، ومحدش يقول انه كده بسرعه ،ربنا يعيني واستحمل للخميس اصلا بصت نغم لعمر بحب كبير ، وعمر قرب منها وضمها لحضنه ،اما ايه فزغرطت من الفرحه وتقي وابتسام سلموا علي عمر وباركوا ليهم ،وفجأه الباب خبط وتقي فتحت اكرم،، ايييه ،،الزغاريط دي عندكو، صح ؟ تقي،،، ايوه يا اكرم تعالي عمر، تعالي يا كرم ،واحشني والله اكرم ،، ايه ياعم، مين اتجوز تاني، وبص لنغم ،،ازيك يا نغم ، نغم ,,,الحمدلله يا اكرم عمر،، انا ياسيدى، عمر الصاوى فرحه الخميس الجاي، انت متخيل وضحك بفرحه اكرم بفرحه،، بجد ،،الف مب**ك يا حبيبي، ربنا يسعد قلبك ياعمر انت ابن حلال وتستاهل عمر ،،تسلم يا كرم ،، عقبالك يا حبيبي، اكرم بص لتقي وقال،، ياااااااارب ضحكوا كلهم ،وكالعاده تقي ات**فت ،، عمر،، انا هكلم الواد امير ونور ابلغهم الخبر السعيد ده واتصل عمر عليهم ورد امير وقال،، بقولك ايه يا صاوى، انا في طريقي لشرم ،مش عايز ازعاج بقه ،ممكن تنساني شويه عمر ضحك،، يابني قول السلام ،انت يهودي ولا ايه امير، ماشي يا عم، سلامو عليكو ،يلا بقه سلام اظن انا رميت السلام اهو عمر ضحك اكتر ،، يابني انا اولا هطمن علي اختي، ثانيا هبلغك خبر حلو يمكن تفرحلي نور خ*فت التليفون وقالت،، عمر حبيبي، انتو كويسين عمر،، ايوه يا حبيبتي متقلقيش ،انا بس حبيت اقولك ان فرحي انا ونغم الخميس، نور بفرحه ،،قلبي يا عمر ربنا يباركلكم يارب ،لا ،انا عايزه ارجع حالا عايزه احضر كل لحظه انت فرحان فيها ،فرحتك ياعمر هيا كل حياتي عمر بتأثر،، وانتي كل حياتي يا نور نغم،، احم احم ،،ايه يا نور ،هنقطع علي بعض ولا ايه نور بدموع ،،مب**ك يا نغم يا حبيبتي، بجد انتي مش متخيله فرحتي نغم،، عارفه يا حبيبتي ومقدره مشاعرك ،ربنا يخليكي لينا يارب وفرح الكل لعمر ونغم ، وبلغ عمر واكرم اهل الحاره كلهم وطبعا الكل منتظر الفرحه الكبري ،فرح عمر الصاوى، حبيب الكل ------- وبعد مرور يومين ،نور قاعده في حضن امير وبيتكلموا وبيهزروا ،وفجأه تليفون امير رن برساله ماسنجر ،وكانت وحشتني قوى يا امير ،مش ناوى بقه ترجع عشان اشوفك ، امير ........ بقلم شيمو الخطيب

Free reading for new users

Scan code to download app

App Store Google Play

Facebookexpand_more