كفاح عاشق الجزء التاني

الحلقه ١ من كفاح عاشق ٢ ?أنا منفي ، وفي حبك موطني .. أنا ضال ، وفي حبك هدايتي ..♥ – – – – – – – – – –? بسم الله الرحمن الرحيم بعد ما الكل بارك لنور ورجعوا كلهم من هناك ،نغم في اوضتها ،غيرت هدومها وصلت ،وقعدت علي سجادتها تدعي وتشكر ربنا علي النعم الكتير وعلي رجعوها لعمر ، وبعد ما خلصت قامت قعدت علي السرير واتصلت علي عمر عمر ابتسم اول ما شاف اسمها و رد ... اممممم ،لحقت وحشتك نغم بدلع... عندك شك في كده ولا ايه ، عمر ابتسم.. اممم لا ،بس كنت حابب اسمعها منك نغم بصوت هادي وحب.. انت بتوحشني وانت معايا ياعمر ،،انا بجد بعشقك عمر... وانا بعشقك يا قلب عمر ،واتن*د وقال باشتياق ،،،،وحشتيني قوي يانغم ،، مكنتش عايز اسيبك ،كان نفسي اسعد بيه يقولي خد نغم معاك يا عمر نغم ضحكت... وانا كمان كان نفسي والله يا عمر ،، انا مش عايزه فرح ،مش عايزه هيصه ،مش عايزه اي حاجه من الدنيا غيرك انت وبس، عمر ابتسم وسكت نغم،،، ايه ياعمر ،سكت ليه عمر اتنهد... بسمعك ياقلب عمر ،وحشني صوتك وجنانك يانغم نغم ضحكت ببراءه.. وانا وحشتني كل تفاصيلك ياعمر عمر ..نغم ،تعرفي ان لبسك كده بقه احسن من الاول ،وبما اني جوزك دلوقتي فاناااااا نغم قاطعته وقالت... اشششش انا مش عايزه اسمع اي كلمه بعد كلمة جوزك دي ،، دي عندي احلي من اي كلام ،، عمر ضحك وسكت ونغم كملت ... انت متخيل اني انا حرم عمر حسين الصاوي،، وااااو بجد ،انا دلوقتي بقه ممكن اموت وانا فرحانه ،مش عايزه حاجه من الدنيا بعد كده عمر بلهفه... لا ،انا عايز لسه ،، نغم باستغراب،، عايز ايه تاني ياعمر عمر،، عايزك انتي يا نغم قلبي نغم ابتسمت بحب،، ، طب ما انا معاك ياعمر خلاص عمر ..تؤ تؤ ،انا عايزك معايا بجد نغم ابتسمت وسكتت عمر بخبث... ايه يا نغم ،سكتي ليه ، نغم،،، لا ابدا ،انا بس بسمعك عمر ،،، لا ممكن تكوني مش حابه تبقي معايا نغم ضحكت ،،، لا ممكن اكون بصيع زي حالاتك كده عمر ضحك قوي وقال،، انا يا بنتي ؟،،, ده انا غلبان نغم ضحكت،، واضح انك غلبان ،وصايع كمان عمر.. حقي يابت ،،ده انا ما صدقت انك بقيتي مراتي حلالي وملكي انا وبس نغم... وانا كمان ما صدقت يا عمر والله ،، عمر .. امممم ،وانا اللي كنت فاكرك مؤدبه ،ههههه نغم ب**وف،.. الله ،،، فيه ايه بقه ياعمر ،اقولك ،،انا غلطانه اني كلمتك اصلا ،يلا سلام بقه عمر سكت ومتكلمش نغم ... انت سكت ليه ،متمسك فيا يا اخي وتقولي متقفليش عمر ضحك قوي،، لما انتي مش قد الكلام متقوليهوش نغم.. تصدق والله انت مستفز ،وانا فعلا غلطانه اني كلمتك ،وسكتت شويه وقالت .. بس اعمل ايه ،مقدرش مكلمكش ،ولا اقدر استغني عنك ابدا عمر ابتسم بحب ... ولا انا اقدر استغني عنك يا حرم عمر باشا الصاوي ،ههههه نغم ... طبعا باشا غصب عنهم كلهم، بحبك قوي يا واد عمر بضحك ... واد ،اخرتها بقيت واد ،، نغم بمشا**ه... عاجبك ولا مش عاجبك عمر،،، اي حاجه منك عجباني يا حبيبتي نغم ،،الله يا عمر ،حلوه حبيبتي دي قوي عمر بعشق،، انتي احلي من اي حاجه في الدنيا يا نغم ،، نغم تاهت في مشاعرها مع عمر ،وقعدوا طول الليل يتكلموا ،ومش هاين عليهم يقفلوا التليفون ،لحد ما نغم نامت وعمر معاها علي التليفون ، وعمر ابتسم لانه سمع صوت نفسها ، وعرف انها نامت ، وقفل بعدها وحمد ربنا انه جمعهم تاني مع بعض -------- بقلم شيمو الخطيب في شقة امير امير صحي الصبح وكانت نور نايمه،قام دخل الحمام وغسل وشه اتوضي وصلي،و بعد ما خلص قال لنفسه امير... هو ايه ده ، البت دي اغمي عليها و لا ايه، كل ده نوم، لا وايه ،من غير ما تتحرك خالص،، نهار اسود يكون اغمي عليها،، ده كان عمر الصاوى يعلقني،، وجرى عليها وبدأ يصحيها... نور،، نور يا حبيبتي،قومي الله يخليكي متودنيش في داهيه،، قومي اخوكي هيعلقني يخربيتك ،، انتي يابت ، متقومي بقه نور فتحت عنيها وقالت... عوض عليا عوض الصابرين يا رب،، بقه انت كل خوفك ان اخويا يعلقك لكن انا أولع عادي ،، مش كده امير ضحك... يا بت انا عارف انك صاحيه والله ، وحبيت اقول كده بصوت عالي عشان عارف ردك،، يابت ده انتي اللي في القلب يا ع**طه نور بتمثل الزعل.. كمان ع**طه ، حتي مش هاين عليك تقولي كلمه حلوه ، صاحي تشتمني علي الصبح ،، طب والله لاقول لعمر، امير ضحك،،، لااااا الا عمر ، شوفي ايه اللي يرضيكي وانا اعمله نور بصت لامير ومتكلمتش امير قرب منها بحب وباس راسها وقال،،، صباح الورد والفل والياسمين ، علي احلي حاجه في حياتي كلها نور ابتسمت ... صباح الهنا يا حبيبي، ثواني وهحضرلك الفطار امير ثبتها علي السرير واخدها في حضنه وقال... لا ،، فطار ايه ، انتي تحضري الشنط ، عشان نسافر علي شرم حالا،اما انا بقه حاجزلك اربع ايام هناك ،ان شاء الله هيعجبك جدا نور بصدمه... انت حجزت امتي، وليه مقولتليش امير،، انا قولت نلحق نفرح ، قبل فرح الواد عمر والبت ايه اختي،، عشان نبقي اخدنا حقنا وشبعنا من بعض،، مع اني يستحيل اشبع منك يا نور حياتي نور بحب قربت من امير ومسكت وشه بين اديها،،، .. تعرف يا امير، انا بجد بعشق كل حاجه فيك ، جنانك وهزارك ، خوفك عليا ، حبك ليا، حتي زعلك ، انا بجد بموت فيك في كل حالاتك ،، امير باسها في خدها،، وانا بعشقك يا نور يا صاوى،، نور ابتسمت بحب وقامت بعدها تحضر الفطار ، وفطروا في جو كله مرح وحب دلع ،، ------ بقلم شيمو الخطيب في بيت عمر تقي قامت من النوم ، دخلت تطمن علي عمر ،ولقته حاضن تليفونه في ايده ،عرفت انه كان بيكلم نغم ،وابتسمت بحب ومرضيتش تصحيه لبست تقي اسدالها ونزلت تشتري فطار وشوية حاجات للبيت ،وهيا نازله كان اكرم نازل ولمحها اكرم قرب منها ،، صباح الخير علي اجمل عيون فيكي يا مصر تقي ب**وف.. صباح الفل يا حبيبي، اكرم ،،ياربي علي الحظ ،بقه فيه كده ،اصطبح باحلي حاجه في الكون ،لا بجد انا محظوظ ،،محظوظ جدا تقي ب**وف... الله، ما خلاص بقه يا اكرم اكرم بتريقه.. الله ، ما خلاص بقه يا اكرم ،،، يا وعدي علي احلي بنت فيكي يا جمهوريه تقي ،،، والله امشي واسيبك اكرم ضحك... لا خلاص والله ، انا هسكت خالص، المهم ، رايحه علي فين كده ، تقي،، رايحه اشتري شوية حاجات للبيت ، وانت اكرم،، وانا برده الحاج صبحي كتبلي شوية حاجات اشتريهم، قولت اما انزل انهارده ، لان اجازتي هتخلص، ومن بكره أن شاءالله هنزل الشغل تقي،، ربنا معاك ويوفقك يارب يا حبيبى، اكرم بحب،، ويخليكي ليا يارب، تقي ... طب يلا نشترى مع بعض ،، وفعلا مشيت تقي مع اكرم ،واشترت اللي هيا عايزاه ،ورجعت ،لكن عمر كان لسه نايم ، تقي بدأت في تحضير الغدا ،وفجأه لقت حد من وراها لف ايده عليها وباسها من خدها عمر... صباح الحب ياحبيبتي تقي باسته من خدته،،، احلي صباح علي عيونك يا أبيه،، عمر ،، حبيبتي، معلش ،راحت عليا نومه والله، معرفش نمت ازاي وامتي تقي بخبث،،، امممم ليك حق، عريس جديد بقه عمر خبطها علي راسها... بس يابت، انتي هتحسديني ولا ايه تقي رفعت اديها... لا والله ابدا، انا بقر بس، عمر ضحك ، وقال... وانا اللي كنت فاكرك بتحسدي، ظلمتك يابت ،، تقي ضحكت قوي ،،،،، ادخل يا ابيه ، اتوضي وصلي، وثواني وهتلاقي الاكل جاهز ،، عمر وهو ماشي... ربنا يستر، تقي،، ماشي، ماشي، بكره تترجاني اطبخلك وانا مرضاش، عمر بضحك جامد ،، قولي يارب لو كان ليا عمر وعشت بعد اكلك ده تقي دبت برجلها في الارض بزعل،،، الله يسامحك يا ابيه، وفعلا تقي خلصت وجهزت الاكل ، وعمر قعد ولسه بيدوق ، عمر ابتسم... تقي، هو الاكل جميل ، بس ياريت ماتطبخيش تاني،، تقي بصدمه... لا ،، متقولش كده بجد ، والله عملت زي ما نور علمتني بالظبط ،، عمر بصلها وضحك ،، انتي صدقتي يا ع**طه ،، لا والله تسلم ايد*كي ، انتي تفوقتي علي نور نفسها، ربنا ما بحرمني منك ابدا يا حبيبتي تقي بفرحه... بجد يعني الاكل عجبك عمر... طبعا عجبني، والله تحفه،، يا بختك يا اكرم انت وعم صبحي، تقي بفرحه،،، ربنا ما يحرمني منك ابدا يا احلي عمر في الدنيا فجأة عمر سمع خبط علي الباب،، عمر .. خير مين اللي جاي دلوقتي،، وفتح الباب وكانت آيه ايه داخله بسرعه وقالت... بصراحه بقه كنت قاعده زهقانه وق*فانه قولت لما اجي اتغدي معاكو، لان البيت رخم قوي من غير هزار امير الرخم ده تقي،، .. والله جدعه يا بت يا يويو ، اهو هتسليني ، ونقعد نلك مع بعض شويه عمر .. وعليكم السلام ورحمه الله وبركاته، ايه يا آيه يا حبيبتي داخله علي يهود خيبر يا ماما، ارمي السلام حتي وبعدين قولي اللي انتي عايزاه ايه رفعت حاجب ونزلت التاني، ... نعم ياصاوى، ليك شوق في حاجه عمر .... احم .. لا بس، ده انا بدحرج التماسي مش اكتر ايه ،،، امممم ، بحسب بس ،يكون مش عاجبك حاجه ولا حاجه تقي انفجرت في الضحك علي منظرهم ، وهما كمان ، وقعدوا التلاته اتغدوا مع بعض ،والقعده كلها هزار وتريقه ،، ---- بقلم شيمو الخطيب في فيلا السويفي اسعد قاعد علي السفره ، وزينب بتحط الغدا وجميله نازله من عند نغم اسعد ... ايه يا جميله ، نغم لسه نايمه ولا ايه جميله، دي رايحه في النوم كانها منامتش بقالها سنين اسعد ضحك... امممم ، مهي خلاص حققت اللي نفسها فيه، ربنا يسعدها يارب جميله.. بصراحه بقه ، عمر يستاهل كل خير يا اسعد ، ربنا يسعده هو وأخواته يارب ، اسعد سرح شويه وقال... فعلا ، راجل بمعني الكلمه، ربي اخواته وعلمهم، وجوزهم كمان، بجد يؤتمن علي بنتي والله جميله.. الحمدلله يا اسعد ان الامور اتصلحت، ربنا يسعدهم يارب وبدأوا يتغدوا،، جميله.. صحيح يا اسعد ، مفيش اخبار عن حمدي واشرف ابنه اسعد كح جامد،، .. ايه يا جميله ، ما تفتكرى حاجه كويسه ، جميله ... لا يا حبيبي انا بس بسأل سؤال عادي والله، وادته كوباية ميه اسعد شرب.... لا يا ستي مفيش اخبار، ومش بحاول اسال اصلا عشان اعرف، انسيهم يا جميله بحلوهم ومرهم جميله.. حاضر يا اسعد ،، ربنا يصلح حال الجميع نغم صحيت ونزلت .. صباح الخير يا مامي،،صباح الخير يا بابي اسعد... صباح الفل علي اجمل نغوم ،، عامله ايه يا حبيبتي نغم بحب.. الحمدلله يا بابي، احسن كتييييييير جميله... امممم ، واضح انك احسن كتيييييير، نغم بضحك... تقصدي ايه بقه ياجميلتي جميله بضحك... اقصد انك زي القمر انهارده يا قلبي، مفعول عمر بدأ يظهر اهو نغم بحب... يااااه ، انا حاسه اني عايشه في اجمل حلم حلمته في حياتي، ومش عايزه اقوم منها اسعد ابتسم... للدرجادي يا نغم نغم... واكتر يابابي والله،، يلا الحمدلله انه حقيقه ، اسعد ،، ربنا يسعد قلبك يا بنتي،،وقام وقف ،، انا هروح انا الشركه اظبط شوية حاجات ، وهرجع علي طول أن شاءالله،متقلقوش يعني جميله.. ماشي يا حبيبي، في امان الله يا اسعد اسعد باس راسها،،، تسلميلي يارب يا حبيبتي،، نغم بصتلهم وابتسمت علي حبهم لبعض هما كمان ، وحست ان عمر فعلا وحشها جدا فترة النوم دي، وكملت اكلها ،واتكلمت كتير مع جميله ، وطلعت بعدها علي اوضتها عشان تكلم عمر وتتطمن عليه ، ------ بقلم شيمو الخطيب في بيت الحديدي حامد خارج من اوضته،،، ايه يا ابتسام ، هيا ايه لسه نايمه لحد دلوقتي ولا ايه ابتسام... لا يا حبيبي،ايه نزلت راحت لولاد عمتها، قالت انها زهقانه ومدايقه فهتروح تتغدي معاهم حامد .. امممم ماشي،، وانتي مكلمتيش امير انهارده اطمنتي عليهم ابتسام... اه طبعا كلمته، وقالي انه هيسافر هو ونور شرم اربع ايام ، يعني عايز يغير جو حامد.. يروحوا ويرجعوا بالسلامه يارب،، ربنا يسعدهم ابتسام ... يارب يا حبيبي،، احضرلك الغدا دلوقتي ، ولا شويه كده حامد،، لا يا ايتسام ماليش نفس الوقتي، انتي وراكي حاجه ولا ايه ابتسام ،، لا ابدا والله ، بس كنت هغد*ك واروح لتقي وايه ، نقعد مع بعض شويه، بصراحه القعده هناك جميله حامد بصدمه ،، سبحان مغير الاحوال،، انتي اللي بتقولي كده يا ابتسام ابتسام.. ما خلاص بقه يا حامد، انت قلبك اسود قوي كده ليه ،ربنا يعلم بعد اللي عملوه معانا معزتهم زادت في قلبي ازاي، وحنيت لقعدتي وسط الحاره ،ولمت الناس البسيطه الجميله ،مش مجتمع كله مظاهر وكدب ونفاق ،تبقي مش طايق اللي قدامك وتقا**ه يالترحاب والتهليل ،لما فوقت عرفت الحقيقه ، ربنا يديم لمتنا يا حامد ،بجد لمتهم حواليا بالدنيا وما فيها حامد ابتسم وسكت ابتسام ،،،عارف يا حامد ،انا بجد حاسه اني مسؤؤله منهم كلهم ،اني امهم الخمسه ،مبقتش افرق بينهم ،عمر زيه زي امير ،ونور وتقي زيهم زي ايه ،، ربنا بسعدهم كلهم ،ويملوا علينا البيت عيال ،وبجد فرحتي بعمر ونغم متتوصفش ،،،،وعيونها دمعت،،، يمكن اكتر من فرحتي بامير وايه ،ربنا يراضيه ويرزقه ويحميه ،ويفرح قلبه بحق كل يوم حس فيه ب**رة نفس، حامد ضمها جامد وقال،،، الحمد لله انك فوقتي يا ابتسام ،انا فرحتي بتغيرك ده متتوصفش والله ابتسام بصتله بحب... يعني سا محتني يا حامد حامد ... تفتكري بعد كلامك ده ومش هسامحك ،، بصراحه يبقي معنديش دم ابدا ابتسام ضحكت.. لا عاش ولا كان يا حامد اللي يقول عليك كده ،ربنا ما يحرمني منك يا حبيبي، وبعدها حضرت ابتسام الغدا ،وحس حامد انه اخيرا قلبه ارتاح من ناحية ولاده الخمسه ، وامهم كمان ---- بقلم شيمو الخطيب في شركة السويفي اسعد قاعد في مكتبه ، وبيراجع بعض الاوراق ، وفجأه الباب خبط ، واسعد سمح بالدخول ..... السلام عليكم يا اسعد بيه اسعد قام ببطئ... ........... _____________________ بقلم شيمو الخطيب