Halos isang buwan nang nanliligaw sa'kin si Lucas at kalat na kalat na iyon sa buong campus. Wala na rin naglalakas-loob na sugurin ako dahil sa takot na baka magsumbong ako kay Lucas. Ang tanging nagagawa nalang nila ay tingnan ako na parang pinapatay sa mga isip nila.
Hindi ko nalang sila pinapansin, masaya na ‘ko sa kung anong meron ako ngayon. Syempre, matupad ba naman ang mga pangarap ko eh. Ang mamuhay ng tahimik, bonus nalang ‘yung magka-jowa ako ng gwapo. Hihi!
Palabas kami ngayon ng classroom dahil may nag-announce sa speaker na magtungo kami sa quadrangle. Nakasunod lang ako sa mga estudyanteng pakalat-kalat habang patungo kami sa quadrangle. Panay ang bulungan nila kung anong meron at bakit pinatawag kaming lahat. Ako naman ay tahimik lang na naglalakad, always loner. Nasan ba
