"Aymee, kailangan kong balikan iyong tatlong kilong karne ng manok. Hindi ko talaga makita rito e. Naiwan ko yata sa bilihan." Bakas sa mukha ng kaniyang tiyahin ang pag-aalala habang patuloy pa rin na hinahanap sa supot ng mga pinamili nila ang karne ng manok na gagamitin para sa kaldereta. Naghugas ng kamay ang Tiya Baby niya saka hinubad ang apron nito.
"Ay. Ako na lang ho ang kukuha, Tiya. Saan ho ba banda? Saan ho kayo banda bumili?" Akmang tatayo siya nang pigilan siya ng tiyahin.
"Naku, huwag na anak. Diyan ka na muna ha, saglit lang ako. Diyan sa malapit ko lang naman iyon binili. Pakibantay-bantay mo lang itong carbonara. Pagkakulo ng sauce ilagay mo na itong pasta ha?" May pagmamadaling sabi nito.
"Sige po, Tiya," sagot naman niya.
Agad na lumabas mula sa kusina ang Tiya Baby
