Si Nana Elenita ang nagturo sa kaniya ng mga tamang etiketa at mga dapat at hindi dapat niyang gawin habang nagtratrabaho siya sa Amerika, para hindi siya ma-culture shock. Itinatak niya sa kaniyang isip lahat ng sinabi ng ginang. Paniguradong magagamit niya ang lahat ng mga iyon sa susunod na tatlong taon. Sa totoo lamang, hindi niya alam kung tatagal talaga siya ng tatlong taon sa trabahong iyon dahil hindi naman talaga iyon ang forte niya. Syempre, sisikapin naman niya na magtagal doon para na rin sa kaniyang pamilya. Magtitiis siya hangga't kaya niya. Sayang naman ang lahat ng kaniyang nagastos kung susuko kaagad siya sa trabaho at bigla na lamang mapapauwi ng Pilipinas.
Pero pinapangako rin niya sa kaniyang sarili na kapag natapos na ang kontrata niya roon, sisiguraduhin niya na ang
