Gaya ng sinabi sa sa kaniya ni Nana Elenita, ipinakilala siya ng mga ito sa amo nila. At gaya rin ng sinabi nito, palaging wala sa bahay ang mga tao roon. Ang hindi lang nangyari sa mga sinabi ng ginang ay ang pagsasama ni Mia ng mga kaibigan sa bahay na iyon. Magmula kasi nang magtrabaho siya roon ay wala pa itong inuwi doon na kaibigan. Kaya nga lamang, gabi-gabi itong umuuwi nang lasing.
Sa nakalipas na linggo ay wala silang ginawa ni Nana Elenita kundi maglinis at magkuwentuhan. Dahil sabay sila umuuwi sa dormitoryo, si Keegan ang naiiwan roon upang magbantay.
Ngunit iba sa araw na ito. Halos lahat ng tao ay narito, sa sala. Pinagagalitan ng mag-asawang Lloyd si Mia dahil sa pagkakasangkot nito sa isang car accident. Nakabangga at nakasira ito ng isang mamahaling sasakyan nang umuwi
