Hindi pamilyar na kabahayan ang nabungaran ni Brayden. Nagising siya sa maliliit na sinag ng araw na tumatama sa kabahayan. Hindi niya alam kung paano siya nakarating sa bahay na iyon. Wala siyang maalala sa nangyari kagabi. Ang naaalala lamang niya ay ang hanggang sa makalabas siya ng bar.
Nasapo niya ang pumipintig na ulo. Naparami yata ang inom niya kagabi. Hindi 'yata', dahil naparami talaga. Hindi niya alam ang pumasok sa utak niya at naisipan niyang mag-inom pagkagaling sa Tatay Lurio's. Mag-isa siyang nag-inom sa nag-iisang bar sa Pritil. Hindi niya iyon sinabi kay Hannah, ang katrabaho niya sa Tatay Lurio's dahil paniguradong magpupumilit itong sumama. Hindi niya gusto iyon. Hindi rin niya gusto ang mga paglingkis-lingkis nito sa kaniya na animo's isang ahas. Hindi niya gusto ang
