"Aymee?"
"O, Brayden."
"Anong ginagawa mo rito..." Saglit na natigilan si Brayden nang mapatingin sa Barangay Hall, pagkatapos ay ibinalik ang tingin sa kaniya. "Galing ka sa loob? Anong ginagawa mo rito sa Barangay Hall?"
Tumango-tango siya. "Oo, galing ako sa loob. May ini-report lang na mahalagang bagay."
Gumuhit ang pag-aalala sa mukha nito. "May ini-report? Bakit? Anong nangyari? May nangyari bang hindi maganda?" Sunud-sunod na tanong ng binata.
"Ah, nananakawan kasi ako sa may pangalawang kanto pag-uwi kahapon galing eskwelahan." Kinikilabutan pa rin siya kapag naaalala ang nangyari kahapon. Hindi talaga siya makapaniwala na sa dinami-rami ng tao ay sa kaniya mangyayari iyon. Talaga palang ang grasya at disgrasya, bigla na lamang susulpot sa buhay nang hindi inaasahan.
Saglit
