"Nabalitaan mo na ba iyong nangyari sa kabilang barangay, mare?"
"Oo, mare. Naikwento sa akin ng anak ko. Paano ay kaibigan niya raw pala ang isa sa mga iyon. Kawawa nga iyong mga estudyante. Mahalaga pa naman ang mga cellphone sa panahon ngayon. Necessity na iyon e."
Hindi sinasadya na marinig ni Aymee ang pinag-uusapan ng dalawang ginang na nakaupo sa may katabi lamang nilang lamesa. Napatingin siya sa mga ito at na-curious sa pinag-uusapan ng dalawa.
Kasalukuyan silang kumakain ng tanghalian nina Allie at Anjie sa karinderya na nasa tapat lamang ng ekwelahan na kanilang pinapasukan. Doon na nila nakasanayan kumain ng tanghalian dahil bukod sa masarap ang mga putahe doon ay talagang makamasa rin ang presyo. Presyong-estudyante. Kaya malaki ang natitipid nila sa pagkain.
"Ah, salamat
