"Salamat ho, Kuya!" May ngiting sabi ni Aymee sa lalaking tauhan ng grocery warehouse kung saan siya namamalengke ng ilang kailangan sa tindahan ng kaniyang Tiya Baby. Nagpatulong kasi siya rito na ilabas ang lahat ng kaniyang pinamili. Araw iyon ng Linggo, at dahil marami siyang tinapos na requirements sa eskwelahan, hapon na siya nakapamalengke. Nagsisimula na ngang magdilim, at nang tingnan niya ang oras sa kaniyang relo na suot ay mag-aalas sais na ang isinasaad na oras niyon.
Dinukot niya ang listahan na ipinadala sa kaniya ng kaniyang tiyahin at isa-isang tiningnan ang kaniyang mga bayong, sinisigurado na wala siyang nakalimutan. Hindi pa kasi niya gaanong gamay ang pamamalengke mag-isa. Madalas ay kasamahan niya ang Tiya Baby niya, kaya nga lamang ang ay dumalas ang pagiging busy n
