Mabilis na tinapos ni Aymee ang kaniyang pagsusuklay. Hindi mapalis ang kaniyang ngiti habang nakatitig sa kaniyang repleksyon sa salamin. Ngayon kasi ang araw ng picture taking nila. Abot-langit ang kaniyang excitement dahil gusto na kaagad niyang maipakita ang larawan niya na nakasuot ng itim na toga sa kaniyang mga magulang. Sigurado siyang matutuwa ang mga ito pati na rin ang kaniyang mga kapatid. Inayos niya ang kaniyang mga dadalhin patungong salon. Dahil wala naman silang klase ngayong araw ay maliit na bag lamang ang dala niya. Kaya naman pagkatapos ng photoshoot ay maaari na rin silang umuwi. Inilagay niya sa bag ang wallet, I.D., at cellphone niya, at isinukbit iyon sa kaniyang balikat.
Nang makita niya ang oras sa nakasabit na orasan sa pader ay binilisan na niya ang pagkilos a
