Kahit ilang beses naman niyang sinabihan na nagmadali ang drayber ng inarkila ni Aymee, at kahit na ginawa rin naman nito ang utos niya—ilang beses pa nga itong lumihis ng ibang daan upang iwasan ang mga traffic at mapabilis ang kaniyang biyahe— ay hindi pa rin nila inabutan ang lalaking sinasabi ng Nanay Rosa niya. Pagkadating nila sa Barrio Barrameda ay wala na roon ang lalaki at hindi na niya naabutan ang mga pangyayari.
Gabi na siya nakauwi sa Barrio Barrameda. Nang tumigil ang van hindi kalayuan sa kanilang bahay ay mag-aalas siyete 'y media na. Tinulungan siya ng drayber na ibaba ang mga gamit niya mula roon. Tinanong pa nga siya nito kung sino ang katuwang niya sa pagbubuhat ng mga gamit na iyon. Mabuti na lamang at ipinaalala iyon sa kaniya ng driver. Agad niya ng tinawagan si Arn
