"Ho?" Hindi makapaniwala si Aymee sa narinig. "Pero malayo ho sa mga trabahong ito ang kursong natapos ko." Pagkagaling na pagkagaling niya sa Barrio Barrameda ay dito kaagad siya sa agency sa dumiretso. Nakapangginaw pa nga siya dahil sa lamig ng biyahe, at gabi pa lamang kahapon ay umalis na siya sa kanilang barrio.
"Ito lang ho talaga ang available na trabaho. Pasensya na po kayo. Pwede naman ninyo i-withdraw ang application o kaya ay maghanap ng—"
"—Hindi. Hindi ko ho magagawa iyon." Hindi siya maaaring tumanggi sa trabaho. Lalo pa ngayong kaka-resign lamang niya. At hindi lamang iyon. Iniwan pa niyang galit na galit ang boss niya. Correction, dating boss. Paano'y nang magpasa siya ng resignation letter ay ipinahiya pa siya nito sa harapan ng mga dati niyang katrabaho at pinunit ang
