Makalipas ang apat na taon...
"Nanay! Tatay!" Humahangos na tumakbo si Aymee patungo sa kanilang bahay. Bitbit niya sa kaniyang kamay ang ilang papel at isang nabuksan nang sobre. "Nay! Tay!" Muli niyang pagtawag.
Kakagaling lamang kasi niya sa post office sa kabayanan upang kunin ang mahalagang sulat na iyon. At nang mabasa niya ang nilalaman niyon ay talagang napuno siya ng excitement. Gusto niyang masabi kaagad ang magandang balita na iyon sa kaniyang buong pamilya.
Agad naman siyang sinalubong ng kaniyang mga magulang. "O, anak? Bakit? Anong nangyayari?" May pagtatakang sabi ng kaniyang Nanay Rosa. Pinunasan nito ang may bula pang mga kamay sa suot nitong bestida. Abala kasi ito sa paglalaba bago ito ginambala ng mga pagtawag niya sa pangalan nito.
Natigil rin naman ang kaniyang Ta
