Kumunot ang noo ni Aymee nang makitang ibang daan ang tinatahak nila. Hindi iyon ang direksyon patungo sa tahanan ng binata. Gusto sana niyang magtanong ngunit hindi niya magawa. Natatakot siyang baka mas lalo pa niyang magalit ang binata kapag nagtanong siya.
Nakita niya kung gaano kahigpit ang hawak nito sa manibela. Mukhang doon nito ibinubuhos ang lahat ng pagkairita na nararamdaman. Gusto na lamang niyang lumubog sa kinauupuan. Pinaglaruan na lamang niya ang kaniyang mga daliri.
Ilang minuto pa ang lumipas nang tumigil na ang sasakyan. Naunang bumaba mula roon ang binata kaya agad din siyang bumaba upang sundan ito. Kumunot ang noo niya nang makitang sa harap sila ng isang five-star hotel tumigil. Hinabol niya ang binata, at pagpasok niya sa hotel, nakita niya na nakikipag-usap na i
