"Nanay, kumain na ho ba si Kuya?" Narinig ni Aymee na tanong ni Katie kay Nanay Nora nang mapadaan siya sa kusina. Malungkot na umiling ang ginang at ipinakita rito ang tray na may lamang pagkain. Walang bawas ang mga iyon.
Kauuwi lamang niya mula sa trabaho. Magulo ngayon ang nangyayari sa kumpanya ng binata, ngunit sinisikap ni Lewi na punan ang mga trabahong naiwan nito.
May apat na araw na rin kasing hindi lumalabas ng kuwarto nito ang binata. Hindi rin ito kumakain. Nag-aalala na siya rito.
"Sige, Nay. Susubukan ko na lang siya katukin mamaya." Malungkot na sabi ni Katie. "Graduation ko na sa isang araw. Sana naman, lumabas na siya ng kuwarto. Alam ko namang galit siya sa akin e..." Nagsimula nang umiyak ang dalaga at agad naman itong inalo ng ginang. Nagtama ang kanilang mga mata
